Ipinagdadalamhati nang husto ni Kim delos Santos ang pagpanaw ni Red Sternberg, na itinuturing niyang "first love."
Binawian ng buhay ang dating aktor sa edad na 50 noong Mayo 27, 2025.
"To my first love, may your soul in peace,” ang maikling caption sa social-media post ni Kim matapos malaman noong Biyernes, Mayo 30, ang malungkot na balita.
View this post on Instagram
Read:
T.G.I.S. star Red Sternberg dies at 50
Remember when Dingdong Dantes was paired with Kim delos Santos in T.G.I.S?
Matagal nang naninirahan si Kim sa U.S., kung saan naka-base rin si Red.
Nung makipag-ugnayan ang Cabinet Files sa dating aktres sa pamamagitan ng Facebook Messenger, nagpaunlak itong magsalita tungkol sa masasayang alaala nila ni Red.
KIM DELOS SANTOS FONDEST MEMORY OF RED STERNBERG
Nagkakilala ang dalawa sa T.G.I.S., ang popular afternoon youth-oriented program na napanood sa GMA-7 mula Agosto 12, 1995, hanggang Nobyembre 27, 1999.
Si Red ang gumanap bilang Kiko Arboleda De Dios, habang si Kim naman ay si Tere Gonzaga.
Pero taong 1996 sila nagkarelasyon.
Panimula ng dating teen actress, "I was 15 years old then and he was 22. Nine months lang ang relasyon namin.
"My fondest memory about Red, when I never told my dad that he was my boyfriend, but my dad told him to take good care of me.
"Red was smart, a problem solver, and [when] he puts his mind into something, he does it wholeheartedly."
May isa pang admirable trait si Red na nagmarka kay Kim.
Aniya, "He was respectful. I wasn’t ready for intimate relations so he told me he understands."
Hindi man nagtagal ang relasyon nina Red at Kim, nanatiling magkaibigan daw sila.
Ayon sa dating Kapuso star, hindi sila nawalan ng komunikasyon at pumasok pa sa kanyang isip na magkaroon sila ng podcast, kaya labis daw niyang ikinabigla ang pagkamatay ni Red.
"We still talked from time to time that’s why it shocked me.
"I was asking him if he wanted to try a podcast or something for the fun of it."
Si Kim ay 43 years old, at nagtatrabaho bilang nurse sa Texas.
Pumanaw si Red ilang araw bago ang kanyang ika-51 na kaarawan kahapon, Mayo 30.