Nag-resign na si Tuesday Vargas bilang host ng Your Honor, ang podcast nila ni Buboy Villar na napapanood sa YouLOL, ang YouTube comedy channel ng GMA-7, Spotify, at Apple.
Ang isyu sa kanyang mental health ang sinabing dahilan ni Tuesday sa desisyon niyang iwanan ang programa nila ni Buboy.
Maayos na nagpaalam at pormal na naghain si Tuesday ng kanyang resignation letter sa Your Honor.
Read: Faith Da Silva at Buboy Villar, nagkaaminan ng feelings
CHARIZ SOLOMON REPLACES tuesday vargas IN YOUR HONOR
Pero tuloy na tuloy pa rin ang programa dahil mabilis na nakahanap ng kapalit niya — si Chariz Solomon.
Ayon kay Chariz, katuparan ng kanyang pangarap na magkaroon ng podcast program.
“Masayang-masaya ako to host Your Honor’s second season,” sabi ng Kapuso comedienne sa panayam sa kanya ng Cabinet Files.
“Una sa lahat, matagal ko na talagang gustong mag-host ng podcast.
"Pangalawa, napakaganda ng nasimulan ng YouLOL sa Your Honor sa pamumuno ni Ate Tuesday at Buboy.
“It’s an honor na ituloy yung legacy na nagawa nila sa pinaka-successful na original show ng GMA online.
“Pangatlo, work is work. Masaya ako na may nagtitiwala pa rin sa akin.
“Na I get to provide more for my family, habang nakakapagpasaya ng mga tao. Yun naman ang ultimate goal.”
Read: Chariz Solomon opens up for the first time about her failed marriage
CHARIZ-BUBOY TANDEM
Matagal nang magkaibigan sina Chariz at Buboy kaya gamay na gamay nila ang ugali ng isa’t isa.
Nakita ito agad sa kanilang taping para sa unang episode ng second season ng Your Honor.
Saad ni Chariz: “About mine and Buboy’s chemistry, we’re very good friends to begin with.
“It’s both a strength and a weakness but, at the end of the day, mas marami ang advantage.
“We’ve worked together sa Jejemom, sa Tahanang Pinakamasaya, and currently, sa Bubble Gang.
"So, I think ang adjustment lang talaga is yung environment, since the show is streamed online.
“Pero the whole production staff, pamilya ko na rin. Nakita na nila kami lumaki sa 20 years ko sa GMA 7.
“Everyone is super supportive of us, they equipped us with more than we ever need and deserve.
“Lalo na yung crash course with Tito Boy Abunda, grabe lang talaga. Si Direk [Cesar] Cosme, inupuan din kami.
“Binuhusan nila kami ng time and effort. So, really, this is one of my biggest blessings this year kaya super thankful ako.”
Opisyal na ipakikilala si Chariz bilang bagong co-host ng Your Honor sa Sabado, Hunyo 14.
Sa pangalawang episode na mapapanood sa Hunyo 21, si Michael V. ang special guest nina Chariz at Buboy.
Personal na inimbitahan ni Chariz si Michael V., na agad na nagpaunlak dahil malapit sa puso niya ang kanyang mga kasamahan sa Bubble Gang.
Nag-umpisang umere ang Your Honor noong Disyembre 7, 2024.
Read: Chariz recounts being once accused of sexual harassment