Sinagot ni Zeinab Harake ang mga isyung nagsilabasan kasunod ng pag-iisang dibdib nila ni Bobby Ray Parks Jr. noong Hunyo 1, 2025.
Kabilang sa binigyang-linaw ng content creator ang haka-hakang buntis na siya, milyun-milyong piso umano ang ginastos sa kanilang kasal, at ang paggamit daw ng paper plates ng mga bisita sa wedding reception.
Read: Zeinab Harake at Bobby Ray Parks Jr., ikinasal na
“Kaya may paper plate dahil sa cocktail area, may pica pica kasi," paliwanag ni Zeinab sa live interview nila ni Bobby Ray sa Fast Talk With Boy Abunda ngayong Martes, Hunyo 17.
Pagpapatuloy niya: "After the wedding ceremony, before mag-fireworks, para hindi na naiinip ang aming mga bisita po and magutom, nag-ready kami ng mga pica pica.
“So, that’s pica pica. Hindi siya yung sa reception kasi that’s before the reception."
Napansin ng netizens ang paper plates sa lumabas na video ng mag-asawang Toni Gonzaga at Paul Soriano habang kumakain.
Sina Toni at Paul ay kabilang sa principal sponsors sa kasal nina Zeinab at Bobby Ray.
Read: Celebrities spotted at Zeinab Harake and Ray Parks Jr.'s wedding
Reaksiyon dito ni Zeinab: “Actually, lahat na lang pinapansin.
“Ako talaga nag-comment 'OA' kasi masyado nilang pinapalaki.
"Even the cake, naging two million [pesos], hindi naman po talaga.
"And hindi po umabot ng PHP20 million yung wedding namin."
GENEROUS NINONG
Isiniwalat ni Zeinab na isa sa mga ninong nila sa kasal ang dahilan kaya nagmistulang engrande ang kanilang pinapangarap na simpleng pag-iisang dibdib.
Lahad niya: “Actually, yung first decision namin nung nag-start pa lang kaming magplano is simple wedding lang. Intimate and simple.
"So, sa lahat po ng interviews ko, nasasabi ko na gusto ko talaga ng simple.
"But, binless kami ni God na may ipinadala siyang tao na ginawa po yung wedding na yan.
“Yung venue, from the ground up, five months ginawa. And nung nakita namin yung wedding venue, parang sobrang na-overwhelm kami.
“Sabi namin, kailangan namin i-give back dun sa nag-bless sa amin na ninong namin na, 'Okay, we need to get the best suppliers and everything.' That’s why mukha siyang naging big wedding.
“Blessed din po kami sa aming location and set design because of our ninong. And the rest po, talagang kami na po yun, kasi we want to honor him lang.”
Hindi pinangalanan ni Zeinab kung sino sa kanilang mga ninong ang kanyang tinutukoy.
Read: Details of Zeinab Harake's Michael Cinco wedding gown
View this post on Instagram
ZEINAB DENIeS SHE'S PREGNANT
Nang tanungin ni Boy Abunda kung buntis na siya, isang malakas na "No! Nooo! Saan galing yan?” ang sagot ni Zeinab.
Kasunod nito ay nangako sina Zeinab at Bobby Ray sa isa't isa.
Mensahe ni Zeinab: “Forever akong magiging great wife and mom sa aming mga future kids and sa aming dalawang anak.”
Sabi naman ni Bobby Ray: “Nangangako ako na mamahalin kita through the ups and through the downs.
"At parati kitang susuportahan and will always have your back at hinding-hindi ka matatakot na may gawin akong kalokohan. I will remain faithful.”
Nabigo naman ang publikong malaman ang katotohanan sa hindi pagdalo ng nanay ni Zeinab na si Mariafe Ocampo dahil sa pakiusap ng mga tao sa paligid ng content creator na huwag na itong tanungin tungkol sa isyu.
Read: Ina ni Zeinab Harake, "banned" sa wedding nila ni Bobby Ray?