Hindi pa maiuwi sa India ang bangkay ng billionaire businessman na si Sunjay Kapur dahil sa ilang legal na problemang may kinalaman sa kanyang U.S. citizenship.
Si Kapur ang ex-husband ng popular Bollywood actress na si Karisma Kapoor.
Read: Family and colleagues pay tribute to Cocoy Laurel
Marami ang nagimbal sa paraan ng pagkamatay ni Kapur.
Pumanaw si Kapur sa edad na 53, noong Hunyo 12, 2025, dahil sa atake sa puso habang naglalaro ng polo sa Guards Polo Club sa Egham, England.
Pinaniniwalaang nakalunok ng bubuyog si Kapur, at kinagat siya nito sa loob ng kanyang bibig.
Nagdulot ito ng anaphylactic shock o grabeng allergic reaction na naging sanhi ng kanyang pagkamatay.
Isang U.S. citizen si Kapur, na matalik na kaibigan ni Prince William.
Dahil binawian ng buhay si Kapur sa England, maraming legal na proseso ang kailangan para maibalik at mailibing sa India ang kanyang mga labi.
Nakiramay pa ang bilyonaryo sa mga nasawi sa Air India crash ilang oras bago siya namayapa.
Naka-post sa X (dating Twitter) account ni Kapur ang kanyang mensahe ng pakikiramay: “Terrible news of the tragic Air India crash in Ahmedabad.
"My thoughts and prayers are with all the families affected. May they find strength in this difficult hour."
Read: Zeinab Harake, nilinaw ang mga isyu sa kasal nina ni Bobby Ray Parks Jr.
WHO WAS SUNJAY KAPUR?
Si Kapur ang chairman ng Sona BLW Precision Forgings Ltd. (Sona Comstar), ang nangungunang kompanya sa paggawa ng automative parts sa India.
Ayon sa Forbes, US$1.2 billion ang kanyang personal net worth.
Halos US$4 billion naman ang market value ng kanyang negosyo.
Inaasahang kabilang sa kanyang mga tagapagmana ang dalawang anak ni Kapur kay Karisma Kapoor at ang isang anak nila ni Priya Sachdev.
Ikinasal sina Sunjay Kapur at Karisma Kapoor noong Setyembre 2003 sa itinuturing na pinakamalaking kasalan sa Bollywood.
Pero humantong sa diborsiyo ang kanilang pagsasama noong 2014.
Opisyal na naghiwalay ang dalawa noong 2016.
Si Karisma ay kapatid ng sikat ding Bollywood actress na si Kareena Kapoor, na asawa naman ng equally popular Indian actor na si Saif Ali Khan.
Makalipas ang sandaling panahon, nakilala at pinakasalan ni Kapur si Priya Sachdev, na siyang kinakasama niya hanggang bawian ng buhay ang bilyonaryo noong Hunyo 12.
Hindi pa naglalabas ng opisyal na pahayag sina Karisma at Priya tungkol sa pagpanaw ng ama ng kanilang mga anak.
Read: Marian Rivera's "cryptic" TikTok repost sparks buzz online