Biktima muli ng fake news ang veteran actress na si Caridad Sanchez.
Buhay na buhay pa ang 91-year-old actress pero ibinalitang pumanaw na siya ng isang pekeng Facebook account na gumamit sa pangalan ng anak ni Caridad na si Cathy Sanchez-Babao.
Nakasaad sa "fraudulent" testimonial, na nagpo-promote sa isang milk company, na namatay na si Caridad dahil sa Alzheimers disease at ito raw ang pinangangambahan ni Cathy na mangyari rin sa kanya.
Read: Alden Richards calls out airline company for fracturing his road bike
CATHY SANCHEZ-BABAO CALLS OUT FAKE FACEBOOK ACCOUNT
Kasalukuyang nasa ibang bansa si Cathy nang makipag-ugnayan sa kanya ang Cabinet Files ngayong Lunes, Hunyo 23, 2025, para mabigyan niya ng linaw ang kasinungalingang balita.
Saad niya: “It’s a milk company. Ginawa na rin nila ito dati kay Mommy at kay Tita Gloria Romero, two years ago.
"Nag-issue nga kami ni Maritess Gutierrez [anak ni Gloria] ng statement noon.
“We reported them to DTI [Department of Trade and Industry] pero looks like eto na naman sila.
"Worse, gumawa talaga ng fake FB account profile ko.”
Read: Veteran stars Gloria Romero, Caridad Sanchez tricked online
Hinihingi ni Cathy ang tulong ng lahat para maisumbong sa pamunuan ng Facebook ang mga taong naghahasik ng kasinungalingan sa pamamagitan ng fake advertising at fake profile.
Facebook post niya: “The nerve of these people killing my mom when she is still very much alive.
"Kindly bring this to Facebook’s attention by reporting it as false advertising and that it is a fake profile.
"The more people who report this page to FB, hopefully the sooner they will take it down.”
Hindi rin totoo ang nakasaad sa pekeng Facebook post na may dementia si Cathy dahil malusog na malusog ang kanyang katawan at pag-iisip.
Read: Dennis Trillo calls out bashers for inappropriate comments about Jennylyn Mercado's son
FAKE CONEY REYES FB ACCOUNT
Kabilang sina Caridad at Cathy sa mag-inang biktima ng fake news at fake Facebook account profile.
Ganito rin ang nangyari kay Coney Reyes at sa anak nitong si Pasig City Mayor Vico Sotto.
Gumawa ng fake Facebook account profile ni Coney ang mga taong mapagsamantala.
Sa fraudulent narrative, ipinagtapat daw ng aktres na nagkaroon ito ng stroke pero gumaling siya dahil sa suporta ni Vico at sa tulong ng isang doktor.
Napatunayang imbento lamang ang nakababahalang Facebook post dahil sinuri itong mabuti ng third-party fact checkers.
Sadly, marami sa mga Pilipino ang agad naniniwala at nalilinlang ng fake news.
Kaya muling pinaaalalahanan ang lahat na maging maingat, mapagmasid, at suriing mabuti ang mga balita o impormasyong nababasa o napapanood nila sa social media.
Read: VMX star Ayanna Misola, itinadhanang makatrabaho sina Dennis at Jennylyn