Nagtapos na Magna Cum Laude si Trisha Macalagay para sa kursong Bachelor of Science in Biology, Major in Animal Biology. Pero hindi niya personal matatanggap ang parangal dahil sumakabilang-buhay na siya noong Marso 13, 2025.
Si Trisha ang 22-year-old beauty queen at graduating student ng Laguna State Polytechnic University (LSPU) sa Sta. Cruz, Laguna.
Pumanaw si Trisha dahil sa sunog na nangyari sa ikalawang palapag ng gusali ng LSPU.
Masugid siyang tagahanga ng singer-actor na si Juan Karlos.
Read: Juan Karlos, bumisita sa lamay ng yumaong beauty queen sa Laguna
Naganap ang Recognition Day ng LSPU para sa mga estudyanteng magtatapos noong Huwebes ng umaga, Hunyo 26.
Ang mga nagdadalamhating mga magulang ni Trisha ang dumalo at tumanggap sa academic honor ng kanilang anak.
Dala ng mga magulang ni Trisha ang kanyang framed photo na may pirma ni Juan Karlos nang umakyat sila sa entablado.
Malakas na palakpakan ang tinanggap nila mula sa mga taong nagbigay-pugay sa kanila at hindi napigilang mapaluha sa nasaksihang madamdaming eksena.
“Sobrang proud kami sa iyo, anak,” pahayag ng ama ni Trisha tungkol sa achievement ng kanyang pumanaw na anak.
Nakatakda ang graduation ng mga mag-aaral ng LSPU ngayong Biyernes, Hunyo 27.
Inaasahan ang muling pagdalo ng pamilya Macalagay sa isang okasyong masaya at malungkot para sa kanila dahil sa pagkawala ni Trisha.
Read: Female celebrity allegedly involved in case of missing sabungeros
JUAN KARLOS VISITS TRISHA'S WAKE
Lubos ang pasasalamat ng pamilya ni Trisha kay Juan Karlos dahil pumunta ito sa burol ng dalaga pagkatapos ng concert nito sa Laguna Sports Complex, Sta. Cruz, Laguna, noong Marso 15, 2025.
Tagahanga ni JK si Trisha.
Noong nabubuhay pa si Trisha, ang mapanood ang concert at makita nang personal ang singer-actor ang kanyang pangarap.
Pero hindi ito nangyari dahil namatay siya dalawang araw bago naganap ang pagtatanghal ng iniidolo niyang singer.
Ang mapirmahan ni JK ang framed photos ni Trisha ang tanging kahilingan ng pamilya at mga kaibigan ng nasawi kaya nagpunta sila sa concert ng singer.
Hindi lamang pinirmahan ni JK ang framed photos ni Tricia dahil sa kanyang concert, inialay niya sa namatay na estudyante ang paboritong kanta nito, ang "Through The Years."
At nang matapos ang show, pumunta si JK sa funeral chapel na pinagbuburulan ng cremated remains ni Trisha at personal na nakiramay sa naulilang pamilya.
Read: Juan Karlos naghandog ng awit para kay Trisha Macalagay
