Pumanaw sa edad na 56 ang Australian actor na si Julian McMahon dahil sa kanser.
Siya ay ipinanganak noong Hulyo 27, 1968 at pumanaw noong Hulyo 2, 2025.
Kinumpirma ng asawa ni Julian na si Kelly McMahon ang pagpanaw ni Julian sa pamamagitan ng isang opisyal na pahayag, pero hindi sinabi ang uri ng kanser na kumitil sa buhay ng asawa.
Pahayag ni Kelly: "I wish to share with the world that my beloved husband, Julian McMahon, died peacefully this week after a valiant effort to overcome cancer.
"We ask for support during this time to allow our family to grieve in privacy.
"And we wish for all of those to whom Julian brought joy, to continue to find joy in life."
Read: Misis ni Emil Sumangil, nanawagan ng dasal para sa 24 Oras anchor
JULIAN MCMAHON MOVIES
Ang psychological thriller na The Surfer, na pinagbibidahan nila ni Nicolas Cage ang huling pelikula ni Julian.
Ipinalabas ang The Surfer sa South by Southwest Film Festival sa Austin, Texas noong Marso 2025 na siyang huling public appearance ni Julian.
Sa mensahe na ipinadala ni Cage sa Deadline, nagdadalamhating sabi niya:
"Such deeply saddening news. I spent six weeks working with Julian, and he was the most talented of actors.
“Our scenes together on The Surfer were amongst my favorites I have ever participated in, and Julian is one of my favorite people.
"He was a kind and intelligent man. My love to his family.”
Read: Coco Martin says relationship with Julia Montes is going strong
MORE ABOUT JULIAN MCMAHON
Anak si Julian ni Sir William McMahon, ang 20th Prime Minister ng Australia. a
Nagsimula ang kanyang acting career dahil sa Levi’s jeans commercial niya noong 1987.
Ang Australian television daytime soap opera na The Power, The Passion ang unang acting assignment ni Julian noong 1989, at nakilala siya nang husto nang gampanan ang karakter ni Dr.Christian Troy sa hit American medical drama series na Nip/Tuck.
Ang Nip/Tuck ang nagwaging Best Television Drama Series sa 62nd Golden Globe Awards noong Enero 16, 2005 at nagbigay kay Julian ng best actor nomination.
Napanood din si Julian sa Fantastic Four (2005) at sa sequel nito na Fantastic Four: The Rise of the Silver Surfer dahil siya ang nagbigay-buhay sa katauhan ni Victor Von Doom/Dr.Doom.