Tulad ng isang tunay na beauty queen, “peace on earth” ang dasal at kahilingan ng aktres at Miss International 1979 na si Melanie Marquez.
Nagdiriwang si Melanie ng kanyang kaarawan ngayong Miyerkules, Hulyo 16, 2025, pero siya lamang ang nakakaalam sa tunay na edad niya dahil mali ang impormasyong nakalagay sa Wikipedia.
Read: Foreigner Asks: Do Pinoy men treat partners like maids?
Ibinalita ni Melanie sa Cabinet Files na magdiriwang siya ng kaarawan, kasama ang kanyang pamilya, sa Maui, Hawaii.
Lahad niya: “We are heading to Maui for five days for a business and leisure trip. I am with my husband Adam, my son Abraham, and daughter in-law Kaylen.
“My wishes and prayers for my birthday are peace on earth, happiness in life with great health for me, my family and to everyone.”
40TH ANNIVERSARY OF FACE OF THE '80S
Bukod sa kanyang kaarawan, ginunita ni Melanie ang ika-40 taong anibersaryo ng tagumpay niya nang manalo siya bilang Face of the '80s sa New York noong Hulyo 1985.
Ang artikulong inilabas ng New York Post noong Hulyo 11, 1985, ang patunay tungkol sa karangalang nakamit ni Melanie sa Amerika, 40 taon na ang nakararaan.
Nakasaad sa artikulo: “Melanie Marquez could be on her way to modeling superstardom—she’s been chosen by Ford Models as winner of the New York area Face of the '80s contest, co-sponsored by Bloomingdale’s and The Post.
“The dark-haired beauty, a native of the Philippines and now a resident of Manhattan, wins a $1000 Orange Blossom diamond pendant, a $1000 Tahari wardrobe from Bloomingdale’s, and the chance to represent the U.S. in the International Face of the ‘80s finals with a $250,000 Ford contract grand prize.”
Natuloy ang pagsali ni Melanie sa prestigious Ford’s Modeling Agency’s Supermodel of the World — dating International Face of the '80s ang pangalan — noong 1986.
Kahit siya ang nanalo na Face of the '80s sa New York, iginiit niya sa contest organizer na sasali siya bilang kinatawan ng Pilipinas at hindi ng Amerika.
Si Monika Schnarre ng Canada ang nanalo na Supermodel of the World, at si Melanie ang naging first runner-up.
Pero ayon kay Melanie, higit na malaki ang tsansang makuha niya ang titulo kung pumayag siyang maging kinatawan ng Amerika.
Read: Did Bianca de Vera just "taping friend" zone Will Ashley?
ABRAHAM LAWYER'S WEDDING
Ilang buwan nang namamalagi si Melanie sa Utah, USA, mula nang magpakasal ang kanyang bunsong anak na si Abraham sa fiancée nitong si Kaylen Nesbit noong Mayo 24, 2025.
“They got married on May 24, 2025, a day after Abraham’s birthday,” pagbabahagi ni Melanie tungkol sa maagang pagpapakasal ng bunsong anak nila ni Adam Lawyer Sr.
Maliban sa panganay na anak ni Melanie na si Manuelito, dumalo ang mga anak ng actress-beauty queen sa kasal ni Abraham, kabilang ang aktres at former Miss Universe Philippines na si Michelle Dee.
Read: Ralph de Leon at Will Ashley, natuwa sa mga bansag na "Saing King" at "Nation's Son"