"With flying colors" na nalampasan ni Joey Marquez ang hamon na banggitin niya ang mga pangalan ng kanyang labing-anim na anak mula sa iba't ibang babae.
Memoryado ni Joey ang pangalan ng lahat ng kanyang mga anak na binanggit niya nang ayon sa pagkasunud-sunod ng edad.
Sila ay sina JJ, Jeremy, Jesm, Kristine, Jerica, Yeoj, Winwyn, Vitto, Zia, Jowee Ann, Jazalla, Joeygy, Paolo, Jacob, at may dalawa pang hindi niya binanggit ang mga pangalan.
Sina Vitto, Winwyn, Yeoj, at MM ay anak ni Joey sa dating asawang si Alma Moreno.
Si Jeremy ay anak ni Joey kay Francesca Siron, na nakabase na ngayon sa Amerika.
Sina Jowee Ann at Zia ay mga anak naman niya sa dating aktres na si Brenda del Rio.
Ang tatlong pinakabata ay anak ni Joey sa non-showbiz partner niyang si Malu Quintana.
Hindi pa naisisiwalat ang pagkakakilanlan ng mga ina ng iba niyang mga anak.
Read: Joey Marquez teaches his 16 children to love each other
JOEY MARQUEZ: PROUD FATHER
Sa panayam sa kanya ni Boy Abunda sa Fast Talk with Boy Abunda nitong Miyerkules, Agosto 6, 2025, inilarawan ni Joey ang sarili bilang isang amang gagawin ang lahat para sa kanyang mga supling.
Saad niya: “I am very proud to be a father.
"Magiging dalawa na yung abogado ko, I am very proud.
“Tatay [ako] na dapat gawin ang responsibility without asking anything back.
“I want to remind some children, mga son and daughter, na ang tatay, ibibigay niya lahat kahit nahihirapan na siya but he will never ask anything back.
“Kahit nahihirapan siya, hindi kikibo yan.
"Kaya sabi ko, 'Always love your parents especially your father.'"
Dagdag niya: “Ang development ng bata, kapag ang nanay at tatay, nagsisiraan, naaapektuhan yung bata.
“That’s one of my laws, 'Wala kayong sisiraan na kahit na sino. Kung walang kayong masabing maganda, don’t talk anymore. Don’t say anything.'”
Naniniwala si Joey na hindi obligasyon ng mga anak na alagaan ang mga magulang.
Aniya: “Hindi ko itinuring na investment ang mga anak. Itinuring ko sila na mga responsibilidad.
“Na kailangan gawin ko lahat para sa magandang future nila.
"Kung sumikat sila, yumaman sila, I promised myself kahit may sakit ako, kahit nasa kalye na lang ako, I will never burden them.
“May pride ako, e. Siguro mali, pero sinasabi ko sa kanila, 'Do best in life and be successful and that’s more than enough.' Yun ang kaligayahan ko.”
Read: Bela Padilla admits breakup with boyfriend Norman Bay
NO HALF-SISTER, NO HALF-BROTHER
Ayon kay Joey, walang half-sister o half-brother sa kanyang mga anak, kahit magkakaiba sila ng mga ina.
Katuwiran ng aktor: "Walang half-sister, walang half-brother. Walang ganoon.
"Half-hearted, e. Kailangan it’s either mahal mo o hindi mo mahal.
“At hindi nahahati, ang paghahati kasi binibigyan mo lang ng dibisyon.
"Sabi ko, everything will be successful kapag you come in as a whole.”
Napangiti naman si Joey nang magtanong si Boy tungkol sa Malang painting na ibinigay niya sa anak na si Winwyn Marquez nang sumali at manalo itong first runner-up sa Miss Universe Philippines 2025.
“Napasubo ako dun kasi sabi ko sa kanya, 'Win, you have proven already, you won the title already, so why join?’
"'I just wanna prove myself that I can still do it.'
“O sige, sabi ko, 'Mag-Top 10 ka lang, you get this painting.' Nag-runner-up!
“So, nakuha niya yung pinakagusto niya.
"Umiiyak ako nung ibinibigay ko sa kanya kasi I love paintings, e!” nagpapatawang sabi ni Joey.