Ibinahagi ni Rufa Mae Quinto sa Instagram ngayong Huwebes, Agosto 7, 2025, ang mensahe ng pakikiramay ng San Francisco Police Department (SFDP) sa pagpanaw ng kanyang asawang si Trevor Magallanes.
Si Trevor ay dating miyembro ng SFDP.
Ipinarating din ni Rufa Mae sa SFDP ang kanyang pasasalamat dahil sa pagpupugay sa asawa niya, bagamat hindi pa rin inilalabas ang resulta ng dahilan ng pagkamatay ni Trevor noong huling linggo ng Hulyo 2025.
Read: Rufa Mae Quinto confirms husband Trevor Magallanes's death
SFPD STATEMENT ON TREVOR MAGALLANES'S DEATH
Nakasaad sa mensahe ng SFPD Interim Chief Paul Yep: “It is with great sadness that we share the passing of former San Francisco Police Officer Trevor Magallanes.
“Trevor joined the San Francisco Police Department on September 24, 2018, as a member of the 263rd Recruit Academy Class.
"During his time with the Department, he served the communities of the Mission, Tenderloin, Central, and Taraval Districts with dedication and commitment.
"Trevor concluded his service with the Department in February 2023.
“He is survived by his beloved daughter, Athena, who was the light of his life.
"We extend our deepest condolences to Trevor’s family, friends, and former colleagues during this difficult time."
View this post on Instagram
Pero nag-iwan ng mga katanungan ang mensahe ng pakikiramay ng SFPD na ibinahagi ni Rufa Mae sa Facebook page.
Kapansin-pansing tanging ang pangalan ng anak nila ni Trevor na si Athena ang binanggit na naulila ng dating pulis na yumao.
Palaisipan din para sa mga sumusubaybay sa kuwento ng relasyon nina Trevor at Rufa Mae ang Facebook post ng aktres, limang araw na ang nakararaan.
Itinuwid ni Rufa Mae ang mga maling akalang hiwalay na sila ni Trevor.
Sabi niya: “Mag-asawa pa din kami ni Trevor, walang nag-file sa amin ng annulment. Dito po kami sa Pilipinas kinasal Nov. 25, 2016. Ako po ay widow/ byuda na.”
Pero marami ang naiintriga sa Instagram profile ni Trevor na “Single” ito.
Read: Aljur at Vin Abrenica, sasampahan ng reklamong breach of contract