Ang huwag siyang kalimutan ang isa sa mga pakiusap ni Cha Eun Woo bago siya pumasok sa mandatory military service noong nakaraang buwan, Hulyo 2025.
Tumatagal ng hanggang dalawang taon ang mandatory military sevice ng mga kalalakihan sa South Korea kaya sa 2027 pa muling masisilayan ng publiko ang sikat na South Korean singer-actor.
Wala pang isang buwan ang military enlistment ni Cha Eun Woo pero natupad ang kahilingan nitong huwag siyang kalimutan.
Kahit nasa loob siya ng Korea Army Training Center sa Nonsan, Chungcheongnam-do, inaalam at nalalaman ng kanyang mga tagahanga ang mga ginagawa niya.
Read: Cha Eun Woo begins military service, leaves message for fans
CHA EUN WOO: THE HANDSOME DISHWASHER AT KOREA ARMY training center
Ang mga kamag-anak at kakilala ng mga kasamahan ni Cha Eun Woo sa Korea Army Training Center ang nagkukuwento tungkol sa mga nangyayari sa K-pop idol kaya nalaman ng mga taong paghuhugas ng pinggan ang isa sa mga responsibilidad niya.
Iniulat ng Korea Times na pinipilahan ng trainees ang military café para lamang makita nang personal si Cha Eun Woo habang naghuhugas ito ng mga plato pero nananatiling star sa paningin ng kanyang mga kasama.
Bilang patunay, inilathala ng Korea Times ang ilan sa mga testimonya ng mga pinagkuwentuhan ng batchmates ni Cha Eun Woo tungkol sa pagiging dishwasher nito.
Kuwento ng isa: “My boss’s son enlisted in the same batch as Cha Eun Woo. His squad was in charge of washing dishes, but all the soldiers lined up to hand theirs only to Cha Eun Woo so they can see his face.”
Ayon naman sa isang witness: “I saw on a military café that all the trainees kept staring at him, and the drill sergeant had to tell them, ‘Stop staring. He’s human too.'”
Read: Will-Bianca-Dustin upcoming movie excites WillCa, DustBia fans
Noong Agosto 13, naglabas ang Korea Army Training Center ng mga larawan ng mga recruit.
Kabilang dito ang larawan ni Cha Eun Woo na nakasuot ng armband ng squad leader na nakalaan para sa mga trainee na pinahahalagahan ang mataas na pamumuhay, tapat, at responsable.
Kaugnay nito, tumanggap ng mga papuri ang popular singer-actor mula sa kanyang mga tagasuporta na ipinagmamalaki siya nang husto.
Nakatakdang matapos ang military service ni Cha Eun Woo sa Enero 2027.
Read: EA Guzman, nilinaw ang "na-comatose" quote ni Shaira Diaz