Isinilang ni Coleen Garcia ang pangalawang anak nila ni Billy Crawford sa St. Luke’s Medical Center, Taguig City, noong Agosto 17, 2025.
Pero wala sa kanyang tabi si Billy dahil pabalik pa lamang noon sa Pilipinas ang singer-actor.
Sa panayam niya sa Fast Talk With Boy Abunda ngayong Martes, Setyembre 2, ikinuwento ni Billy ang pagsisilang ni Coleen sa kanilang bunso na si Austin.
Si Austin ay ipinanganak sa ospital, samantalang ang panganay nilang si Amari ay iniluwal sa pamamagitan ng water birth noong Setyembre 10, 2020.
Read: Actress Chloe Grace Moretz marries model Kate Harrison in secret ceremony
Lahad ni Billy: “Water birth si Amari.
"Itong pangalawang beses, hindi na siya umabot sa pool. Hindi na umabot.
"Actually, pati ako, hindi ako umabot. I wasn’t there when Austin was born.
"I was on the airplane on my way back home.
“Si Amari, hindi niya ako tinantanan na araw-araw niya akong sinasabihan, ‘You weren’t there when Austin was born.’
“Kaya masakit, masakit magsalita ang anak ko.
"But you know, it was a blessing na it’s an en caul baby."
Ang en caul birth, ayon sa healthline.com, ay kapag ang sanggol ay lumabas na nasa loob pa ng amniotic sac (caul). Ang hitsura nito ay tila nakabalot pa ang bagong silang na sanggol sa "soft, jello-like bubble."
Pagpapatuloy ni Billy: “Pero sobrang bilis ng pangyayari. Kasi yung unang text ng pinsan ni Coleen sa akin, sabi niya, ‘Ate is going in labor. Twelve, twenty-four hours pa yan.’
“A few minutes later, 'Ate gave birth.'
"So, yun yung hindi ko alam kung ano ang gagawin ko. I just feel so happy.”
Read: All 38 featured vehicles of the Discaya family and their prices
AMARI'S LOVE FOR HIS BABY BROTHER
Ipinagmamalaki ni Billy ang pagmamahal ni Amari sa bunsong kapatid nito.
Ayon sa singer: “Amari is excited maging kuya. He’s super gentle.
"In fairness kay Amari, he’s so gentle with Austin.
"Pumupunta pa siya sa alcohol, naghuhugas pa siya ng alcohol, tapos he’s gonna touch the hand."
Natatawang kuwento pa ni Billy, lagi raw pinapaalala ni Amari sa kanya na wala siya nang isilang si Austin.
“Meron pang video, hindi ko lang inilalabas at hindi rin nilalabas ni Coleen, kasi walang respeto yung anak ko sa akin.
"Sabi niya sa video, tumingin siya sa kamera, ‘Where is Billy?’
“Nawala na yung daddy, ‘Where is Billy? He wasn’t here.'”
Puring-puri naman ni Billy si Coleen dahil sa pagiging mabuti nitong asawa at ina.
Saad niya: “She’s gorgeous, in and out.
"I can’t say anything because that woman has given up everything.
"Has sacrificed her entire life for our kids and for me, especially, kaya I have to do and I have to be more for her and for them. I’ll try my hardest.”
Read: Heart Evangelista shows privileged life as a child in throwback photos