Muling umiral ang pagiging pikon ng Filipino beauty pageant fans nang matalo ang Philippine representative na si Anne Patricia Lorenzo Diaz sa Miss International Queen 2025 na ginanap sa Tiffany Show, Pattaya, Thailand, nitong Sabado ng gabi, Setyembre 20, 2025.
Ang Miss International Queen ay beauty pageant para sa transgender women.
Tinawag ito ngayong “cooking show” ng disgruntled Pinoy na nanawagang i-boycott ang patimpalak dahil Top 6 finisher lamang si Patricia.
Pero hindi naman luhaang uuwi si Patricia dahil siya ang tumanggap ng Best Social Media Influencer special award mula sa Tourism Authority of Thailand na may premyong 30,000 Thai baht.
Si Patricia rin ang nanalong Insipiring Beauty Award sa preliminary competition ng Miss International Queen noong Setyembre 18.
MISS USA WINS MISS INTERNATIONAL QUEEN 2025
Si Midori Monét ng USA ang nagwaging Miss International Queen 2025.
First runner-up naman si Olivia Lauren ng Cuba.
Umasa naman si Hà Tâm Nhu ng Vietnam na makukuha niya ang korona kaya bakas na bakas sa kanyang mukha ang pagkadismaya nang tawagin siyang second runner-up.
Nagngingitngit sa inis ang Pinoy beauty pageant aficionados dahil para sa kanila, si Patricia at hindi si Hà Tâm Nhu ang karapat-dapat pumasok sa Top 3.
Naniniwala ang mga taga-suporta ni Diaz na mas matalino ang kanyang sagot kesa kay Hà Tâm Nhu sa tanong na, “There are still many conflicts around the world. If you were crowned Miss International Queen, how would you use your platform to promote peace and international understanding?"
View this post on Instagram
Sagot ni Diaz: “Conflicts start in misunderstanding.
"Regardless of our differences, as Miss International Queen, I will promote the language of love, which is the universal language.
"Yes, we are different when it comes to races, beliefs, and cultures, but always remember, through love there is respect, and we will resolve any conflicts in life.”