Nag-trend sa X (dating Twitter) Philippines ang pangalan ng South Korean actor na si Lee Chae Min noong Linggo ng gabi, Setyembre 28, 2025.
Ito ay dahil sa pagpapalabas sa Netflix ng finale episode ng Bon Appetit, Your Majesty, ang popular fantasy romance drama series na pinagbibidahan nila ni Im Yoon-ah.
Nadagdagan ang mga Pilipinong tagahanga ni Lee Chae Min dahil sa kanyang karisma at mahusay na pagganap sa Bon Appetit, Your Majesty.
Ang final episode ng programa ay nagtala ng pinakamataas na viewership ratings sa South Korea kahapon.
Ibinalita ng pamunuan ng Nielsen Korea na ang Bon Appetit,Your Majesty ang most -watched program sa South Korea noong Setyembre 28 dahil nakakuha ito ng average nationwide rating na 17.1%.
Read: Ralph Tulfo, may pahayag sa viral P6.7M bill na binayaran sa club
LEE CHAE MIN THANKS BON APPETIT VIEWERS
Ngayong Lunes, Setyembre 29, ipinaabot ni Lee Chae Min ang mensahe ng kanyang pasasalamat para sa lahat ng tumangkilik sa programa nila ni Im Yoon-ah sa pamamagitan ng Instagram.
Tyrant’s Chef at hindi Bon Appetit, Your Majesty ang English translation ng pamagat ng kanilang programa sa South Korea.
Nakasaad sa post ni Lee Chae Min (as translated by Instagram): “I would like to thank everyone who has loved Tyrant’s Chef so far.
"I am happy every day these days because everyone’s sweating and making is getting so much love. I hope this work will remain in your memory forever.
“Once again, thank you very much to everyone who loved Tyrant’s Chef and Lee Heon.
"And thank you to all the actors, staff, directors, writers,and other people who put this work together. Lee hyun Jiyoung, be happy forever.
“Jiyoung, your cooking skills are the best. I am now, don’t make handmade bibimbap every morning.”
View this post on Instagram
Malaki ang naitulong ng Bon Appetit, Your Majesty sa biglang pagsikat ni Lee Chae Min.
Dahil sa kanyang popularidad na tinatamasa sa kasalukuyan, magkakaroon siya ng Asia Fan Meet Tour, ang Chaem-into You, na mag-uumpisa sa South Korea sa Oktubre 24 at Oktubre 25, 2025.
Susundan ito ng pagbisita niya sa Jakarta, Manila, Bangkok, Hong Kong, Chengdu, Taipei, at Tokyo.
Read: Lee Chae Min, mas naging sikat dahil sa Bon Appétit, Your Majesty