Pinabulaanan ni Thomas Markle Sr., 81, na na-trap siya sa apartment na tinitirhan niya dahil sa magnitude 6.9 earthquake na tumama sa Northern Cebu noong Martes, Setyembre 30, 2025.
Si Thomas, na naninirahan sa Cebu mula pa noong Mayo 2025, ang estranged father ni Duchess of Sussex Meghan Markle at biyenan ni Prince Harry.
Read: Korean actor Lee Dong Gun diagnosed with rare disease
SAMANTHA MARKLE'S POST
Ang mismong anak ni Thomas na si Samantha Markle ang nagpakalat ng balitang na-trap ang kanyang ama sa apartment nito.
Sa X (dating Twitter) post ni Samantha, sinisi niya si Meghan sa sitwasyon ng kanilang ama.
Tweet niya: “My father is stuck on the 19th floor of a building in the Philippines after a massive earthquake and he can’t walk and he is trapped.
"Shame on my evil fucking sister forever putting our father in that position. I hope she is cursed.”
Maanghang din ang isa pang post ni Samantha sa X: “Shame on Harry and Meghan. May they be damned… he gave her everything and this is how she repays him.”
Isa itong malinaw na panunumbat sa pagpapabaya umano ni Meghan sa tatay nila.
Read: Chie Filomeno seeks privacy after being linked to Matthew Lhuillier
THOMAS MARKLE SR. DENIES DAUGHTER'S CLAIM
Pero itinanggi ni Thomas Sr. ang post ng kanyang anak.
Sa panayam sa kanya ng TMZ noong Oktubre 1, sinabi nitong 100 miles ang layo ng hotel na kinaroroonan niya sa epicenter ng lindol.
Pahayag ni Thomas Sr.: “I’m currently sitting on the couch in my hotel room, with my feet kicked up and watching Charlie Chan movies. I’m quite comfortable.”
Nagtataka raw si Thomas Sr. sa pinagmulan ng X post ni Samantha dahil, diumano, matagal na silang hindi nagkakausap.
SAMANTHA'S REACTION TO TMZ'S REPORT
Hindi nagustuhan ni Samantha ang balitang inilabas ng TMZ at ng Daily Mail dahil pinalalabas na nagsisinungaling siya.
Kaya ibinahagi niya ang mga screenshot ng palitan umano nila ng mensahe ng kanyang ama at ng kasama nito sa Cebu.
Natanggap daw ni Samantha ang mga text message ilang oras matapos mangyari ang mapaminsalang lindol.
Ito raw ang mensahe ni Thomas Sr. sa kanya: “I am trapped on 19th floor all my savings are.”
Sabi naman daw ng isang kasama ni Thomas Sr.: “We can’t get out of the building. He can’t walk 19 floors.”
Sinagot ito ni Samantha ng: “Oh my God he doesn’t have a portable wheelchair this is why I’m so pissed at Tom for not having the safety mechanism in place.”
Ang tinutukoy na "Tom" ni Samantha ay ang kanyang kapatid na si Thomas Jr. na naninirahan din sa Cebu.
Hindi ikinatuwa ni Samantha ang mga balita ng TMZ at Daily Mail tungkol sa kalagayan ng tatay niya nang maganap ang malakas na lindol.
Sabi niya: “So TMZ created the story and then the Daily Mail writes this. Well if I’m getting panic messages from my dad and their visitor I take them seriously.”
May komento rin si Samantha tungkol sa gusaling tinitirhan ng kanyang ama.
Sabi niya: “So the building my dad is in is reportedly two years old. According to this, the Philippines did not implement quake codes until this year for new construction. I guess my brother didn’t know that little. Hopefully moving forward all new construction will be safer.”
Hindi ito maganda para sa imahe ng Pilipinas pero may bahid ng katotohanan, lalo na ngayong malaking isyu sa bansa ang mga anomalya sa substandard infrastructure at flood control projects.
Read: Senator Kiko Pangilinan questions massive LandBank cash release; Employee reacts