Nag-umpisa ang streaming ng Out Of Order, ang first movie directorial job ni Alden Richards, sa Netflix noong Oktubre 2, 2025.
No. 1 na ito ngayon sa Top 10 Movies sa Netflix Philippines.
Napapanahon ang kuwento ng Out Of Order na tinalakay ang korapsyon at kawalan ng hustisya sa lipunan.
Ayon kay Alden, ang "very sensitive" na kuwento ng Out Of Order ang isa sa mga dahilan kaya nagdesisyon siya at ang Viva Films na ipalabas sa Netflix ang pelikula.
Paliwanag niya: "Just to give time for the Philippine cinema to pick up, sa pagpo-produce po ng pelikula for theatrical release, may formula kasi siya.
"[Kung sa sine] pabibilhin mo ang mga tao ng tickets, so kailangan kung ano yung gusto nila yun ang ibigay natin.
"But right now, with Netflix, with all the other platforms that we have right now, somehow may freehand ka to do all the things that’s inside your head. Yung content and storytelling and stories na you wanna tell na walang sinusunod na formula.
"This is a very socially relevant content, and I think it’s best to put it in this platform to reach more audience."
Una nang naipalabas ang Out of Order sa film festival abroad.
"Viva and Myriad agreed na before selling it to Netflix, iikot muna natin around the world," saad ni Alden.
Ang Myriad Entertainment Corp ay ang multimedia company na pag-aari ni Alden.
Pagpapatuloy niya: "Malay mo naman makasungkit tayo ng festival exposures.
"So we actually premiered sa Da Nang Asian Film Festival sa Vietnam, first quarter of the year.
"Dun yung first showing ng Out Of Order, dun ko siya napanood sa big screen. Kasi nung ine-edit namin siya sa post-production, sa laptop ko lang siya palaging napapanood.
"Then after that, by November, pasok din ang Out Of Order sa Jagran Film Festival in Mumbai, India, pero nauna yung premiere, which is October 2, sa Netflix.
"Right now, we just wanted to make it big, you know, memorable, kaya we had it shown dito sa cinema."
Read: Ariel Rivera reveals how he handles temptations
ALDEN RICHARDS ON 3-IN-1 ROLE
Inamin ni Alden ang kabang nararamdaman dahil bukod sa direktor ay siya rin ang artista at producer ng Out of Order.
"Aside from being a director po, actor din ako dito, and then at the same time producer din.
"So, ang number one trabaho ng producer is to make the budget work. In all of those things, I am overlooking and overseeing all of that.
"It was really taxing actually, pero sobrang fulfilling yung experience na kahit papaano, nairaos namin siya."
Sabay nabanggit niya ang kapwa artistang si Coco Martin, na actor/producer/director din sa mga ginagawang pelikula.
Sabi ni Alden: "This just made me realize how hardworking Coco Martin is kasi siya ito, e. Siya rin ito in real life, so idol na idol talaga natin si Boss Coco.
"But this won’t be the last, definitely. Right now, we’re doing a film, sa Viva din, and I am gonna be directing it as well."