Mainit ang pagtanggap ng mga manonood sa full live performance nina Kim Eun-jae aka Ejae, Audrey Nuna, at Rei Ami sa The Tonight Show Starring Jimmy Fallon noong Oktubre 7, 2025.
Inawit ng tatlo sa TV show ni Fallon ang "Golden," ang hit soundtrack ng popular Netflix movie na KPop Demon Hunters.
Tumanggap sila ng mga papuri dahil sa pagtatanghal nila nang live sa kauna-unahang pagkakataon.
Ikinatuwa ng mga tagahanga ng KPop Demon Hunters at ng "Golden" ang pagkakaroon ng mukha ng mga boses ng pagkanta ng mga karakter nina Rumi, Mira, at Zoey, na naririnig lamang nila dati.
Malaki ang naitulong ng "Golden" sa popularidad ng KPop Demon Hunters.
Read: DJ Mo bids goodbye to Las Vegas home with Angelicopter
FORMER SM ENTERTAINMENT TRAINEE
Si Ejae ang isa sa mga sumulat ng "Golden" na No. 1 ngayon sa Billboard Hot 100.
Dahil din sa tagumpay ng "Golden" kaya nagbago ang takbo ng buhay ni Ejae.
Nagsimula ang entertainment career niya bilang trainee ng SM Entertainment sa loob ng sampung taon.
Ang SM Entertainment ang talent agency na nangangalaga sa K-pop groups na aespa, NCT 127, EXO, Super Junior, at Girls Generation.
Pero hindi nangyari ang pinapangarap niyang debut bilang soloista o miyembro ng K-pop group dahil itinuring siyang matanda na para ilunsad na mang-aawit.
Noong 2011, iniwan ni Ejae ang SM Entertainment at nagpasya siyang manirahan nang permanente sa Amerika.
Nag-aral siya sa New York University Tisch School of Arts, naging songwriter at record producer.
Sa isang panayam kay Ejae, ikinuwento niyang kabilang siya sa mga nagsulat at nag-record ng mga kanta para sa soundtrack ng KPop Demon Hunters.
Ang mga direktor ng animated film ang nagkumbinsi raw sa kanyang maging singing voice ni Rumi.
The rest is history.
Sa edad na 33, na matanda na para maging miyembro at soloista ng mga K-pop group, nakamit ni Ejae ang pinakamimithing tagumpay.
Read: Jake Cuenca on split with Chie Filomeno: “That chapter of my life is over now."
"GOLDEN" MOMENT
Kilalang-kilala na siya ngayon sa buong mundo dahil sa pag-awit niya sa "Golden."
Bumagay rin sa kanyang mga personal na karanasan ang lyrics ng kanta:
I'm done hiding, now I'm shining like I'm born to be
We're dreaming hard, we came so far, now I believe
We're goin' up, up, up, it's our moment
You know together we're glowin'
Gonna be, gonna be golden
Oh, up, up, up with our voices
Yeongwonhi kkaejil su eomneun
Gonna be, gonna be golden
Isang inspirasyon ang kuwento ng mga pagpupunyagi ni Ejae na taus-puso ang pasasalamat sa mga naniwala sa kanyang kakayahan.
Instagram post niya ngayong Huwebes, Oktubre 9: “I can’t believe my first full performance EVER was on @fallontonight .. thank you @jimmyfallon for having us and being so kind.
“I am so honored and grateful and omg.. thank you so much for the PLATINUM SURPRISE! The BEST SURPRISE EVER.
“Thank you to my girlies @audreynuna @rei.ami .. you have no idea how grateful I am to have u guys by my side.. thank you for helping me get thru my nerves, u guys inspire me everyday.
“And thank you everyone who helped me believe in myself enough to do this.”
View this post on Instagram
Read: Bahay sa France, hindi umano pag-aari ng Atayde family