Nasorpresa si Benjamin Alves nang makita ang pagdating ni Department of Public Works and Highways (DPWH) Secretary Vince Dizon sa membership club na pinagdarausan ng panayam sa kanya nitong Huwebes, Oktubre 9, 2025.
Nagkataong may meeting si Dizon sa isang function room, tumango siya bilang pagbati sa mga taong kanyang nakita.
Bumati rin sa kanya si Benjamin ng “Sir” at “Idol” — na pruwebang alam ng aktor ang mga ginagawa ni Dizon para mahinto ang mga korapsyon na nagaganap sa DPWH.
Read: Bahay sa France, hindi umano pag-aari ng Atayde family
Nang banggitin ng Cabinet Files ang kanyang reaksiyon nang makita niya si Dizon, "I am a fan," sagot ni Benjamin.
Saad pa niya: “He really did more in what, less than two months, sixty days?
"Man of action, I guess, that’s the best way to describe him.
"When he said he’s gonna clean house, you see it’s happening.
“You see him out there trying to do the service na hinihingi natin sa isang public servant, so I’m a fan.”
Tiniyak ng Kapuso actor na makapagpapakuha siya ng litrato kasama ang kanyang hinahangaang DPWH secretary.
Trivia: Kung hindi nagpalit ng screen name si Benjamin, kapangalan niya si Dizon. Vince Saldaña ang kanyang ginamit nang sumali siya sa reality-model search ng ABS-CBN noong 2008.
At ngayon, si Baguio City Mayor Benjamin Magalong na kasama ni Dizon sa paglaban sa korapsyon ang kanyang kapangalan.
Read: Beauty queen Bea Luigi Gomez marries DJ-music producer John Odin
BENJAMIN ALVES AS YOUNG MANUEL L. QUEZON
Si Benjamin ang gumaganap na batang Manuel L. Quezon sa last installment ng bayaniserye ng TBA Studios, at si Jericho Rosales ang adult Quezon.
May trivia rin si Benjamin tungkol kay Jericho dahil sa kanyang kuwento.
Lahad niya: “I texted this to Echo before we started shooting Quezon.
“One of my workshops with Direk Laurice Guillen, I was doing his role sa Santa Santita. Now, I am working with him. I told him, ‘I hope I can keep up with you.’"
Kahit pareho pero magkaiba ang mga edad ng karakter na ginagampanan nila sa Quezon, nagkaroon ng pagkakataon sina Benjamin at Jericho na magkasama bago nag-umpisa ang shooting nila para sa pelikula.
Pagbabahagi ni Benjamin: “It was late 2024 when we sat down. We sat down with Jerrold [Tarog, Quezon director], yun ang first meeting namin.
"Ibinigay sa amin yung libro ni Manuel Quezon, yung autobiography niya. Sabay namin siyang nakuha.
"And a few weeks later, nag-workshop kami just to make sure na our energies matched.
“Yun naman ang importante kay Jerrold, meron kaming common denominator, kumbaga.
“It was important for him na when I’m on screen and Echo’s onscreen, isang Quezon lang yung nakikita, even if my younger one has characteristics na iba sa older Quezon.
“How did we do that? We went through mga four speeches ni Quezon na mapapanood sa pelikula. Parang presentation sa school, si Jerrold yung teacher namin.
“Nasa labas si Echo, ako yung unang sasabak sa stage. One speech, pagkatapos lalabas ako, si Echo naman yung isa.
“Knowing how meticulous Jerrold is, feeling ko naman, yun ang na-achieve namin.”
Read: Elias J.TV, nakansela ang U.S. tour at Agusan del Sur concert
THIRD TIME PLAYING QUEZON
Si Benjamin ang gumanap na Manuel L. Quezon sa Heneral Luna noong 2015.
Muli niyang ginampanan ang naturang karakter sa Goyo: Ang Batang Heneral noong 2018.
Ano ang kahalagahan na kasama siya sa bayaniserye?
Saad ni Benjamin: “Playing the role na someone na kilalang-kilala, Manuel Quezon, it made me feel na, 'Ah, okay, I feel like I have the right na to step into the role of the person, to personify him on film.'
“The first two, Heneral Luna and Goyo, nangangapa pa ako.
"Kasi when we shot Heneral Luna, I think second year ko palang noon sa showbiz.
"So, I’m really trusting the guidance of everybody on set. Natututo lang ako as I go, para lang akong OJT.
“The second one, Goyo, was also the same.
"The third one, Quezon, I felt like I’m actually ready. I guess, considered na seasoned na as an actor. I feel more equipped going into that role.
“It is important for me because it’s nice to be a part of something bigger than myself as an actor.
"I think it’s unprecedented that we have a trilogy movie. I think it’s so hard to have three solid movies.
“I think it’s hard to have one solid movie, so three solid movies na yung continuity na yon, everyone is familiar with. Napakahirap na gumawa ng pelikula na ganoon.
“And all the artists in the movie, we all agree na when we see each other down the line, ten years or twenty years from now, you can always look back into these trilogy movies na nagawa namin, and be proud na we’re part of something na nangyari sa career namin.
"Nakasama kami kasi I don’t know if it would be replicated later on.”
Read: Pinky Amador, bibili ng "fake news" sa bakehouse ni Ka Tunying