Hindi pinalad ang TV host at dating congressman na si Sam Verzosa sa mayoral bid nito sa Maynila sa halalan noong Mayo 2025.
Pero marami ang nagsasabi sa kanyang blessing in disguise na wala na siya sa mundo ng pulitika dahil sa mga isyu ng korapsyon na kinasasangkutan ngayon ng mga mambabatas at opisyal ng pamahalaan.
Read: How did celebrities fare in the 2025 elections?
“Napakadami pong nagsabi sa akin na, ‘Wow, Sam, parang blessing yan na kahit papaano, kahit hindi ka nanalo, hindi ka inilagay sa mga nangyayari ngayong controversies,” pahayag ni Sam nang makausap siya ng Cabinet Files nitong Huwebes, Oktubre 23, 2025.
“Alam mo naman kapag politician ngayon, medyo may konting statement ang tao.
"They don’t wanna be associated with them, kahit magpa-picture. Ang daming issues, ang daming bashing.
“Sabi nila, baka inilayo raw ako. Iniba yung path ko."
Pagpapatuloy niya: "But just like what I’ve said before when I ran for mayor of Manila, hindi ko naman pinaplano yung mga bagay.
“I didn’t plan of having a Maserati dealership or a Ferrari dealership in the Philippines. It just all happened because of hardwork, passion, and blessing of God because of what I do, what I share with the people.
“I believe kung saan tayo dalhin ng tadhana, ang lagi kong sinasabi, kung saan tayo dalhin ng Diyos ay ibibigay natin lahat at gagalingan ko lang.”
Read: DepEd declares October 27-30 wellness break for teachers, learners
SAM VERZOSA'S LUXY CARS COLLECTION
May mga taong pilit iniuugnay si Sam sa korapsyon dahil pumayag siyang ipakita sa mga vlog ang koleksiyon niya ng mga luxury car at ang kanyang marangyang tahanan.
Tiniyak ni Sam na walang puwedeng mag-akusa sa kanyang corrupt siya dahil bunga raw ng mga pagsisikap at pagiging masipag ang lahat ng magagandang nangyayari ngayon sa buhay niya.
Saad niya: “I think everyone knows na we acquired the Ferrari and Maserati dealership, even before I entered politics.
“We have a multi-national brand Frontrow, all over the world. And not just that, marami pa tayong ibang mga negosyo.
“Buti na lang, nangyari lahat yon bago ako nag-pulitika, so when they tried to associate it...
"Because may interviews din ako na house tour, may mga ipinakita ako na sports cars, of course, yung mga tao, hindi naman basta-basta maniniwala, lalo na kung may mga resibo ka.
"That’s what I have. I have receipts. I have videos. I have you guys, you know my story.
“Marami ang nagtanggol sa akin. Hanggang ngayon naman, ipinapakita ko.
“Sabi nila, bakit ang dami ko raw sports cars? Sabi ko, 'Grabe kayo.'
"Nagbigay na nga ako ng Ferrari sports car nung pandemic. Nagbigay ako ng brand new Maserati. Ipina-auction ko for Philippine General Hospital.
“Nagpa-auction ako ng sampung collection ko ng super cars ko. I auctioned everything.
“For me, I always say this, the true purpose of wealth is to share it with people.”
Read: Sam Verzosa, hindi itinanggi ang magarbong pamumuhay
LIMITED EDITION MASERATI CARS
Nakausap ng Cabinet Files si Sam sa paglulunsad ng limited edition ng Maserati cars sa Maserati office sa EDSA, San Juan City, nitong Huwebes.
Pagbabahagi niya: “We’re launching our newest masterpiece from Maserati. Actually, it’s our 110th anniversary.
"And because of that, we’re launching our newest limited edition, 110th Maserati GranTurismo Folgore, fully electric.
"So that’s only 55 units in the world and two of them are here right now.
"Actually, yung isa, sold-out na at yung isa, waiting for the next lucky and passionate Maserati owner."
Dagdag ni Sam: “We’re so lucky because we’re one of the top sales region in the whole world.
“Actually, the Philippines is one of the top sa sales sa mga sports car. These cars are handcrafted and designed in Modena, Italy, so konti lang talaga siya.
"So, whatever we have, medyo naso-sold out agad,”
Tumanggi si Sam na sabihin ang presyo ng limited edition ng Maserati luxury car, pero isang bisita ang nagbulong na mahigit sa PHP18 million ang halaga ng nabanggit na sasakyan.
Read: Who is Matthew Lhuillier?
WILL SAM VERZOSA RETURN TO TELEVISION?
Dating napapanood si Sam sa Dear SV, ang kanyang weekly public service program sa GMA-7 na pansamantalang inihinto nang kumandidato siya noong Mayo 2025.
Ilang buwan na ang nakalilipas pero hindi pa rin bumabalik si Sam sa telebisyon.
Ayon sa kanya, hindi niya kailangan na bumalik.
“Right now, hindi ko naman kailangan bumalik," sabi niya.
"I’ve been doing my philantrophic work off the screen now. I don’t need to be on television.
“Sometimes nakikita sa social media pero tuluy-tuloy pa rin naman yung mga mobile clinic natin, ang serbisyo sa mga nabaha at nabagyo.
“Ngayon may mga nalindol so tuluy-tuloy lang but since I’m not in politics anymore, I am doing it privately.
“Sabi ko nga, that’s my purpose in this world. I am just fulfilling my purpose.”
Read: Netizens have the wittiest reactions to new DOJ spokesperson Polo Martinez