Bilang isang magulang, nasaktan si Max Collins para sa TV host na si Kim Atienza dahil sa nangyari sa anak nitong si Emman Atienza.
Alam ni Max ang pakiramdam ng mga biktima ng bullying dahil naranasan rin daw niya ito noong 14 years old siya at nag-uumpisa pa lamang ang kanyang showbiz career.
“My heart breaks, like, I can’t imagine the pain.
"My heart goes out to him and he’s handling it so well and his family also.
"It’s so devastating,” pahayag ni Max sa Cabinet Files.
Read: Kim Atienza responds to netizen who blamed him for Emman’s death
MAX COLLINS SAYS SHE WAS A VICTIM OF BULLYING
Hindi marunong magsalita at hindi nakakaintindi ng Tagalog si Max nang pumasok siya sa showbiz. Ito raw ang dahilan kaya naranasan niyang mapag-usapan at mapagtawanan ng kanyang mga kasamahan noon sa trabaho.
At dahil bata pa siya, wala raw nagawa si Max kundi ang umiyak na lamang.
Lahad ng Kapuso actress: “I was super bullied noong bata ako. I was, like, 14 years old. Wala pang social media noon.
"Lagi akong pinag-uusapan. Tawa-tawa sila kasi hindi ko sila naiintindihan, pero alam ko, ako yung pinag-uusapan nila.
"But you know, where are they now? Char!”
Dagdag pa niya: “Umiyak lang ako. Iyak ako nang iyak.
"Umalis ako. There was a time I went to the States and then I said, I’m really a creative person.
"I love showbiz. I love being with the people on set.
“Parang I’m not for the corporate world so I realized na ito talaga yung landas ko.”
Nagpasya raw si Max na bumalik sa Pilipinas at ipagpatuloy ang pag-aartista niya.
Read: Bulusan mayor clears Heart Evangelista of blame over Vice Ganda’s “bulok” school remark
THOUGHTS OF A 14 YEAR OLD
Tinanong ng Cabinet Files si Max kung ano ang nilalaman ng kanyang isipan noong 14 years old siya.
“Parang, 'Bakit ko ito ginagawa?' Parang, 'It doesn’t make sense. Bakit ako nandito?'” ang tugon ni Max.
“I don’t know, like tiniis ko lang. I think baka because I needed the money.
"But, tiniis ko lang siya. Sa katitiis ko, nakarating ako dito, so it’s really like matira matibay sa showbiz.
“And slowly but surely.
"It’s nice not to take shortcuts, kasi I feel like it makes you more proud of yourself because pinaghirapan mo talaga yung career mo.”
Read: Social media influencer Emman Atienza dies at 19
MAX COLLINS ON DEALING WITH ANXIETY AS AN ADULT
Kahit nasa legal na edad na siya at marami nang natutunan na aral tungkol sa buhay, nararanasan pa rin daw ni Max na magkaroon ng anxiety.
Pero hindi raw siya nagpapatalo dahil sa kanyang anak na si Skye.
Saad ni Max: “I think I’m so fortunate to have a child kasi hindi ko na iniisip yung sarili ko.
"Iniisip ko yung anak ko and I know that I have to be mentally stable para sa kanya.
“So I feel, like, it’s easier when you have that kind of motivation.
“I think anxiety is common in our industry. Nakaka-anxious naman to be in front of the camera, in front of the people all the time.
"But then, I just find a way to get through it."
Pagpapatuloy niya: “Sa sobrang tagal ko sa industry, I kind of mastered dealing with it.
"I always try to remember na it’s not the end of the world. That I am so blessed to be alive, kina-count ko na lang yung blessings ko."
Nakausap ng Cabinet Files si Max nang pumirma siya ng kontrata bilang celebrity endorser ng Curvee Coffee, isa sa mga weight-loss product ng SandJ Beauty na pag-aari ng entrepreneur na si Jhazz Bonifacio.
Kasama ni Max sa contract signing na naganap sa Seda Hotel Vertis North noong Martes, Oktubre 28, 2025, ang kanyang manager na si Perry Lansigan at ang Sparkle GMA Artist Center executive na si Daryl Zamora.
Pinasalamatan nina Max at Jhazz ang isa’t isa dahil sa tiwala at partnership nila na nabuo.
Read: Marjorie Barretto laments mom Inday Barretto's statement against her