Marami ang nagpapatotoo na may relasyon na sina Anthony Constantino, 23, at Shuvee Etrata, 24.
Pero nanindigan si Anthony na nililigawan pa rin daw niya hanggang ngayon ang former PBB Celebrity Collab housemate.
Kamakailan lang ay may pinagdaanang kontrobersiya si Shuvee nang umani siya ng binatikos matapos maungkat ang kanyang old social media posts na may kinalaman sa kanyang political stand.
- Shuvee Etrata addresses criticisms about her political stand
- Shuvee Etrata explains old video and post on Vice Ganda
- Vice Ganda's "kunyari close-close tayo" comment draws speculation
Nang itanong ang suporta na ibinibigay niya para kay Shuvee dahil sa isyung kinasangkutan nito, siniguro ni Anthony na maaasahan daw siya ng dalaga kung kailangan siya nito.
"My form of supporting her is just showing up. Also whatever it is, everybody loves to be loved in a different way," ani Anthony.
Alam daw niya ang love language ni Shuvee.
"For Shuvee, communication is key, and I talk to her, and just showing up is what she loves.
“Of course, if she loves me to be there, I’m gonna be there without a doubt."
Malaking bagay daw ang simpleng pagpapakita niya ng pagkalinga rito.
"Everybody knows how busy Shuvee is so she already has enough on her plate.
"And really, just showing up for her, so whether it’s just getting her mood, giving her her alone time or just being a driver for the day.
"We both have our work, but a simple act of service that really adds something can make somebody’s day."
ANTHONY CONSTANTINO ON LEARNING FILIPINO
Samantala, lumaki sa Amerika ang aspiring actor at model na si Anthony kaya isang malaking hamon para sa kanya ang pagsasalita ng wikang Pilipino.
Ang kaalaman niya sa Filipino ang kinumusta kay Anthony ng Cabinet Files matapos ang kanyang pagpirma ng kontrata bilang celebrity ambassador ng S&J Beauty na ginanap noong Oktubre 28, 2025 sa Seda Hotel Vertis North, Quezon City.
"Mas magaling ngayon, pero we’re getting there," ang sagot ni Anthony na pinilit magsalita sa Filipino kahit matindi pa rin ang kanyang thick American accent.
Pagpapatuloy niya: "Actually, I have a professor now from U.P. so it’s one of my priorities right now.
"The thing is the work is so much so it’s hard to balance. Nag-aaral ako ng Tagalog ngayon pero sobrang hirap talaga.
"Pero I will learn it because it’s a necessity in this industry and actually, I would like to document it for you guys.
"It’s my priority to learn. I’m in the Philippines so I need to speak Filipino of course.I am really trying my best."
Nagbabasa raw si Anthony ng "Tagalog pocketbooks" para mahasa sa pagsasalita kahit nakararamdam siya ng pananakit ng ulo.
"Everything you name it—whether it’s a professor, watching the news, speaking, of course," saad ni Anthony.
Sabay binanggit niya na tinutulungan din siya ni Shuvee Etrata.
"Actually, Shuvee and I every single day, we speak in Tagalog at least fifteen minutes straight. Sometimes I get headache from it, but we’re in the Philippines.”
ANTHONY CONSTANTINO NEW ENDORSEMENT
Halata sa itsura ni Anthony ang pagod na nararamdaman nang makausap siya ng Cabinet Files dahil kararating lamang niya mula sa fashion week sa Milan, Italy.
May pinanggalingan pa si Anthony na isang event sa Makati.
Pero sinuong niya ang malakas na ulan at ang mabagal na daloy ng trapiko para umabot siya sa kanyang contract signing bilang celebrity endorser ng mga produkto ng S & J Beauty, ang Beauty Blends Milky Avocado at ang Beauty Tangerine Peel Soap.
