Patuloy ang drama sa buhay ni Miss Grand International Organization President at Miss Universe Host Committee Chairman Nawat Itsaragrisil.
Sa isang press interview ngayong Miyerkules ng gabi, Nobyembre 5, 2025, humagulgol ng iyak si Nawat nang mapag-usapan ang isyu ng panghihiya niya kay Miss Universe Mexico Fatima Bosch sa Sashing Ceremony ng Miss Universe 2025.
Nagresulta ito sa pagwo-walkout ni Bosch, kasama ang ilang mga kandidata at ni Miss Universe 2024 Victoria Kjaer Theilvig.
Ito ang naging dahilan para limitahan — o tuluyan nang i-ban — ng Miss Universe Organization ang partisipasyon ni Nawat sa Miss Universe 2025 bilang chairman ng Host Committee.
Read: Is Miss Mexico still joining after tension in Miss Universe?
NO SYMPATHY FROM PAGEANT FANS
Sa press conference, napaluha si Nawat habang nagsasalita sa wikang Thai tungkol sa insidenteng kanyang inihingi ng paumanhin, kasunod ang katuwirang tao rin siyang may pakiramdam.
Ilan sa mga sentimiyento ni Nawat ang diumano’y hindi pagrespeto sa kanya ng Miss Universe Organization (MUO) at hindi pagsali ng ibang mga kandidata sa mga sponsor shoot.
Umabot umano sa 200 million baht ang puhunan niya para sa Miss Universe 2025.
Sa kabila ng pag-iyak ni Nawat, hindi nito nakuha ang simpatiya ng karamihan ng pageant fans.
Pinaratangan pa siyang umaarte lamang dahil sa kanyang reputasyon na uhaw sa atensiyon at panghihiya ng kapwa, tulad ng ginawa niya kay Bosch at kay dethroned Miss Grand International 2024 Rachel Gupta ng India.
Sinabi ni Bosch na ininsulto siya ni Nawat dahil tinawag siya nitong “dumb” sa insidenteng nangyari sa Sashing Ceremony.
Mahigpit na pinabulaanan ni Nawat ang akusasyon ni Bosch dahil, diumano, “damage” at hindi dumb ang kanyang sinabi.
Pinalaki lang umano ng Latin community ang fake news.
Read: Nawat Itsaragrisil apologizes after calling Miss Mexico "dumb"
RAUL ROCHA VS NAWAT ITSARAGRISIL
Hindi tinatantanan ng bashers si Nawat nang kastiguhin siya ni MUO President Raul Rocha.
Deklarasyon ni Rocha: “I want to make it clear that I gave the instruction to postpone the Sashing Ceremony and where this unfortunate incident took place, precisely to avoid any interaction with Nawat who, in his constant desire to be the center of attention, caused this incident.
“And I want to make it clear once again that the ONLY ones who should shine are our Miss Universe delegates who represent each of their countries with dignity.
“For the above reasons, I have restricted Nawat’s participation in the events that are part of the 74th Miss Universe Competition, limiting it as much sa possible or eliminating it entirely.
“I have instructed our CEO Mario Bucaro on behalf of the Miss Universe Organization to detail all the corporate and legal actions we will undertake as a result of the malicious acts committed by Nawat.
“We will not allow that not a single person to cause harm and to thwart the dreams of so many women who traveled from all over the world to be there.”
Read: MUO President condemns Nawat's treatment of Miss Universe Mexico
RACHEL GUPTA'S PAST ROW WITH NAWAT ITSARAGRISIL
Dahil sa mga kontrobersiyang kinasasangkutan ngayon ni Nawat, napagtutuunan ng atensiyon ng pageant fans si dethroned Miss Grand International 2024 Rachel Gupta ng India.
Tumatanggap ng mga papuri ngayon si Rachel dahil lumitaw na may basehan at katotohanan ang mga paratang niya laban kay Nawat, na naging sanhi ng kanyang pagbibitiw bilang Miss Grand International 2024.
Ito ay kahit iginigiit ni Nawat na binawi nito ang korona ng Indian beauty queen.
Matindi ang pamamahiyang ginawa ni Nawat nang ipagkalat nito ang diumano’y “very smell armpit” ni Rachel.
Hindi naman nagpatinag si Rachel dahil inisa-isa nito ang lahat ng pagmamaltratong naranasan niya umano noong siya pa ang reigning Miss Grand International 2024.
Nang magbitiw si Rachel sa tungkulin, ipinasa ni Nawat kay Miss Grand International 2024 1st runner-up Christine Juliane Opiaza ng Pilipinas ang korona at titulo.
Read: Rachel Gupta reveals MGI's "harrassment, mental torture, mistreatment"