Ngayong Biyernes, Nobyembre 14,2025 ang ika-62 kaarawan ni former House Speaker Ferdinand Martin Romualdez.
Tumanggap si Romualdez ng kakaibang "regalo" mula sa kanyang kaibigan at kaalyado sa Kongreso — ang nagbitiw sa tungkulin na si Ako Bicol Party-list Representative Elizaldy "Zaldy" Co.
Malayong-malayo ang pagbati ni Co kay Romualdez nang magdiwang ang huli ng kaarawan noong nakaraang taon.
Magiliw at may haplos ng pagmamahal ang mensahe ni Co kay Romualdez noong 2025:
“Happy Birthday to my esteemed colleague, Speaker Martin Romualdez! May this day bring you joy, as we wish you more abundant, prosperous and healthy years. Cheers!”
Read: AJ Raval, umaming lima na ang anak; tatlo kay Aljur Abrenica
ZALDY CO'S "BIRTHDAY GIFT" TO MARTIN ROMUALDEZ
Makalipas ang isang taon, iba na ang scenario dahil nakagugulantang na ang pagbati ni Co kay Romualdez.
Imbes na makapagdiwang, nabahiran ng lungkot at kontrobersiya ang kaarawan ni Romualdez dahil sa mabigat na akusasyon ni Co.
Ayon kay Co, si Romualdez at ang kanyang pinsan, ang Pangulo ng Pilipinas na si Ferdinand Marcos Jr., ang nasa likod ng PHP100 billion insertions sa panukala na national budget para sa 2025.
Ibinulgar ni Co ang mga nalalaman nito sa pamamagitan ng isang videotaped confession na ipinamahagi niya sa mga mamamahayag at naka-post sa kanyang Facebook page.
Mapapansin sa video ni Co ang matinding pangangayayat mula nang masangkot siya sa bilyun-bilyong pisong halaga na anomalya sa flood control projects ng Department of Public Works and Highways.
Umalis si Co sa Pilipinas noong Hulyo 2025 para magpagamot sa Amerika, pero hindi na siya bumalik buhat nang madiin ang pangalan niya.
Read: Zaldy Co tags President Marcos, former Speaker Romualdez in alleged P100-B budget "insertions"
MARCOS ON ROMUALDEZ
At press time, hindi pa naglalabas ng sagot si Romualdez tungkol sa napakabigat na paratang ni Co laban sa kanya, at sa Pangulo, sa mismong kaarawan niya.
Lumantad at binasag ni Co ang matagal na pananahimik isang araw matapos tiyakin ni Marcos na mabibilanggo bago sumapit ang Pasko ang mga sangkot sa flood control project anomalies.
Pero hindi umano kasama ang kanyang pinsan.
Saad ni Marcos: “I know that before Christmas, many of those named here will have their cases concluded. They will be in jail.
“So, to those shameless people and their accomplices who stole public funds, your happy days are over.”
Tinanong si Marcos kung kabilang ang pinsan niyang si Romualdez sa mga nahaharap sa kaso.
Tugon ng Pangulo: “I don’t think so, because the only evidence that has been made against him is in the Senate. So, I don’t know. With the [former] Speaker, no. Not as yet.
“If something else comes out, then he might have to be answerable for something.”
Walang kamalay-malay si Marcos na kinabukasan, idaramay rin siya ni Co sa usapin kaya kaliwa’t kanan ang mga batikos na natatanggap nila ngayon ni Romualdez.