Nagkaroon ng freak accident si Atasha Muhlach pero itinuloy pa rin niya ang biyahe sa Japan, kahit may foot cast ang kanyang kanang paa.
“Surviving Japan with one leg. So far so good,” ang caption ni Atasha sa larawang ibinahagi nito sa Instagram tungkol sa kanyang foot injury.
Ang twin brother ni Atasha na si Andres ang nagsalita tungkol sa freak accident na nangyari kay Atasha nang makausap siya ng entertainment press sa media launch ng Bagets, The Musical, ang stage adaptation ng 1984 film na Bagets na pagbibidahan niya at itatanghal sa Newport Performing Arts Theater ng Resorts World Manila simula sa Enero 23, 2026.
READ: Atasha Muhlach's makeup hack comes with skincare benefits
“Freak accident,” ang sabi ni Andres tungkol sa naranasan ng kanyang kakambal.
“Actually, right before we left for Japan, so talagang nag-worry kami na, ‘O, paano siya?’
“Like, how is she gonna go around in Japan? Pero we’re able to find a way naman. We bought an electric wheelchair, ang saya nga, eh.
“Ako ang nagpu-push 'tapos yung wheelchair, electric, motorized. So, kaya niyang i-control.”
Ang Bagets, The Musical at ang taping ng Season 2 ng Ang Mutya ng Section E. ang mga proyektong magkasabay na pinagkakaabalahan ni Andres.
READ: Andres Muhlach sa pagganap sa Bagets role ni Aga: "Surreal"
Pero nakahanap siya ng solusyon para hindi magkaroon ng problema sa kanyang schedule.
“In terms of time management, you have to find the windows in your days to put in the extra effort to learn other things.
“Halimbawa, kahapon galing ako sa shooting 'tapos wala akong time masyado to rehearse with everyone kasi nasa Japan din ako. So, I had to find windows inside my shooting time na kailangan ko iaral yung dance, yung blocking. Just really taking it day by day talaga,” lahad ni Andres.
Hindi naman niya itinanggi ang nararamdamang pressure dahil sa karakter ni Adie na bibigyang-buhay niya sa Bagets, The Musical.
Una itong ginampanan sa pelikula ng kanyang ama na si Aga Muhlach.
“Para sa akin, definitely there is pressure to live up and to produce the best performance I can, like what the original Bagets did in 1984.
“But above all, I see it more as an honor talaga to get the chance to play Adie, because when I was a boy, watching Bagets for the first time with my dad, with my family, never namin na-imagine na magiging Adie din ako.
“Parang it’s a full circle moment for me and it’s really an honor.
"I am really just as proud to get the chance to say that I am playing my father’s role in the past.
“If I may add, when we watched the movie recently again, parang we realized that the original film in 1984 is almost like a musical.
"Because throughout the film, there’s a lot of dialogue, but throughout the film, it’s mainly music talaga that is being played and if you see the sequences, parang it’s blocked like a musical, but a film.
"Kaya ang galing talaga na we get to do this live on stage and it’s also a musical.”