Matagumpay na nairaos ang 38th Awit Awards ng Philippine Association of the Record Industry (PARI) sa Meralco Theater, Pasig City, noong Linggo, Nobyembre 16, 2025.
Ang Awit Awards ay ang pagbibigay-parangal sa karapat-dapat na mang-aawit at lumilikha ng mga awit.
Ang mga host ng Vibe, ang musical-variety program ng TV5, ang mga nagsilbing emcee ng gabi ng parangal na dinaluhan ng mga sikat na mang-aawit sa pangunguna ni Regine Velasquez.
Ang singer na si Dionela ang tumanggap ng Solo Artist Award.
Napanalunan naman nila ni Jay-R ang Best Collaboration Award para sa kanilang kantang "Sining."
Read: Claire Castro at Malou Tiquia, nagsagutan sa national TV
DIONELA'S ACCEPTANCE SPEECH
Nagkaroon ng kontrobersiya sa acceptance speech ni Dionela dahil sa espekulasyong sinadyang patayan siya ng microphone nang magsalita siya tungkol sa korapsyon.
Habang tinatanggap ni Dionela ang parangal sa kanya, nangyayari naman sa Quirino Grandstand, Maynila, at People Power Monument sa EDSA ang kilos-protesta laban sa korapsyon at sa pamahalaan ni Presidente Ferdinand Marcos Jr.
“Maraming-maraming salamat po and in front of these beautiful artists, these beautiful people, gusto ko lang i-grab itong chance na to to share this beautiful thing.
“I just wanna remind everyone na I don’t think inilagay tayo ng Panginoon kung nasaan tayo ngayon just for popularity, fame, and money,” umpisang mensahe ng pasasalamat ni Dionela.
Patuloy niya: “Naniniwala akong there’s a greater purpose kung bakit tayo nandito.
"And now, let me remind everyone na, yes, we are artists at nandito tayo to express ourselves through our craft and through our songs.
"But I just wanna remind everyone na there’s people who look up on us and we’re not here just to entertain them but also to inspire them.
“At naniniwala akong tayong mga manlilikha ay isa sa mga may pinakamalakas na boses sa mga panahong ito, and I am encouraging everyone to use that loud voice against sa korapsyon na nangyayari sa bansa natin ngayon.
"Yeah, and now…”
Tumanggap ng malakas na hiyawan at palakpakan si Dionela, pero hindi na narinig ang ibang mga sinabi niya matapos magsalita siya tungkol sa korapsyon kaya nagkaroon ng mga hinalang hindi ordinaryo na technical glitch ang nangyari at sinadya na patayan siya ng mikropono.
Read: Aljur Abrenica, isinama ang mga anak kina AJ Raval at Kylie Padilla sa church service
38TH AWIT AWARDS WINNERS
Bukod kay Dionela, ang mga sumusunod ang mga nagwagi sa 38th Awit Awards ng PARI.
Grand Awards
Album of the Year – Ben&Ben
Record of the Year – Lola Amour
Song of the Year – Cup of Joe (“Misteryoso”)
Performance Awards
Solo Artist – Dionela
Best Performance by a Group – Ben&Ben
Best Performance by a Solo Artist – iLA
Best Performance by a New Group – 12th Street
Best Collaboration – Dionela and Jay-R
Best Dance/Electronic Recording – BINI – “Salamin, Salamin”
Best Global Collaboration Recording – SB19, Terry Zhong (“Moonlight”)
Genre Recording Awards
Best Ballad Recording – Moira, Juan Karlos
Best Rock Recording – Fast Pitch
Best Alternative Recording – Lola Amour
Best Alternative Rock Recording – Ice Seguerra
Best Rap/Hip-Hop Recording – SB19 and Gloc-9
Best Jazz Recording – Devonaire District and Alvin Cornista
Best Instrumental Recording – Alvin Cornista
Best World Music Recording – Over Heat and CamSur Made
Best Recording by a Child or for Children – Ateneo Boys Choir
Special Recording Awards
Regional Recording – Juan Karlos and Kyle Echarri + Noel Cabangon
Best Christmas Recording – Devonaire District
Original Soundtrack Recording – Regine Velasquez
Best Novelty Recording – Introvert Fiesta ft. AJi
Inspirational Recording – December Avenue
Best Pop Recording – Maki – “Dilaw”
Best R&B Recording – Jay-R and Dionela Technical Achievement Awards
Sound Engineer of Best Winning Recording – Axel Fernandez
Best Musical Arrangement – Khalil Refuerzo
Best Vocal Arrangement – Luke Isnani, Felip Suson
Best Remix Recording – Ena Mori and Kenyema
Best Cover Art – SB19
Best Music Video – SB19 and Gloc-9
Read: 38th Awit Awards: Ben&Ben, Lola Amour, Cup of Joe are big winners