Ginulat ni Jake Zyrus, aka Charice Pempengco, ang publiko nang ipagtapat niya noong Hunyo 2017 na sumailalim siya sa breast removal surgery—kilala rin bilang female to male (FTM) chest reconstruction surgery—noong Marso 29, 2017.
Ito ay dahil sa kanyang kagustuhang maging ganap na lalaki ang pisikal na kaanyuan niya.
“I feel complete,” pagsasalarawan ni Jake tungkol sa operasyon na ginawa sa kanya ni Dr. Manny Calayan.
Read: "Meet, Greet & Bye," nag-PHP33 million na ang kita?
NIC CHIEN UNDERGOES CHEST RECONSTRUCTION SURGERY
Makalipas ang walong taon, isiniwalat ng nag-iisang anak ni Lea Salonga na si Nic Chien na sumailalim din siya sa FTM chest reconstruction surgery.
Ngayong Lunes, Nobyembre 17, 2025, ibinahagi ni Nic — na isinilang bilang Nicole Beverly Chien — ang kanyang larawan at kuwento tungkol sa operasyong pinagdaanan noong Setyembre 2025.
Ito ang katuparan ng pangarap niyang maging lalaki ang pisikal na hitsura niya.
Rebelasyon ng 19-anyos na si Nic: "Was able to finally get top surgery last September. Been waiting to heal enough to post a nice looking picture of myself. The healing process was brutal! But worth it."
Read: Eman Pacquiao, pumirma na sa Sparkle ng GMA Network
Lubos ang pasasalamat ni Nic sa mga magulang niya at sa lahat ng mga sumusuporta sa kanya.
Saad niya: “On a more serious note, it’s done wonders for my gender dysphoria and overall mental health.
"Not having to wear a binder, be afraid of judgment, and being able to be shirtless has been one of the most gratifying things EVER.
"I’m very grateful to be able to receive gender affirming care, and I hope sharing and talking about my experiences helps show the importance of this kind of stuff.
"Happy trans gender awareness week, everyone! P.S wouldn’t have been able to do all of this without parents support, love you.”
Ginugunita mula Nobyembre 13 hanggang Nobyembre 19 ang Transgender Awareness Week, at kasabay nito ang pagsasapubliko ni Nic tungkol sa bagong yugto ng kanyang buhay bilang ganap na transgender man.
Read: Lea Salonga, suportado ang transition ng anak na si Nic Chien