Inaabangan ng maraming Pilipino ang petsang Disyembre 15, 2025.
Ito ang itinakdang araw ni Ombudsman Jesus Crispin Remulla kung kailan lalabas ang arrest warrants para sa mga mambabatas at opisyal ng gobyerno na isinasangkot sa maanomalyang flood control projects.
Kabilang sa padadalhan ng arrest warrant sina Senators Chiz Escudero, Jinggoy Estrada at Joel Villanueva at ang mga dating senador na sina Nancy Binay at Bong Revilla.
Read: Zaldy Co tags Marcos, Romualdez as mastermind of bicam insertions
Pahayag ni Remulla sa panayam sa kanya ni Christian Esguerra sa programang Facts First PH noong Nobyembre 16, 2025: “Napirmahan na ni Usec. Bernardo [former DPWH Undersecretary Roberto Bernardo] ang kanyang affidavit.
"Kaya yung mga nabanggit dun — Bong Revilla, Nancy Binay, Joel Villanueva...
"Hindi, Joel Villanueva kay Henry Alcantara, Jinggoy Estrada, yun ang mga binanggit talaga.
“Si Sonny Angara bagong pasok lang, iimbestigahan pa namin. Saka si Grace Poe, iimbestigahan din natin."
Diin pa ni Remulla: “Wala tayong aatrasan diyan kasi ang kinakailangan dito, huwag ka nang mamili.
"Kung sino ang dadalhin ng ebidensiya, ilatag natin sa harap ng husgado. Yun lang yon, di ba?”
Read: Escudero, Villanueva, Estrada, Revilla face prosecution over flood control mess
OMBUDSMAN REMULLA ADMITS BEING FRIENDS WITH SOME OF THE PERSONALITIES
Inamin ni Ombudsman Remulla na kaibigan niya ang mga nabanggit na personalidad, pero mas mahalaga raw sa kanya ang sinumpaang tungkulin.
Saad niya: “Mga kaibigan ko yan, ha? Hindi iba sa akin ang mga yan.
"Nakasama ko ang mga yan, one time or another, sa buhay ko. Pero sa akin, trabaho ko ito.
"Hiningi ko itong trabaho na ito kaya gagawin ko ang trabaho ko."
Dagdag ni Remulla: “Tingin ko, magkaka-warrant na yan by December 15.
"Baka may warrant na ang mga yan, December 16, kapag tama yung calendar namin.
“Huwag lang silang magtatago pero binabantayan na namin ngayon.
"We’re watching over them already. Tumitiktik na kami saka lahat sila naka-alarm na.”
Tinanong ni Christian Esguerra kung kasama rin ang pangalan ni Senator Francis “Chiz” Escudero sa padadalhan ng arrest warrant.
“Ayun, kasama pala siya,” reaksiyon ni Remulla.
“Nakalimutan kong banggitin. Chiz Escudero, si Maynard Ngu, Special Envoy, kasama yan.
“May mga congressman kaming inaayos pa namin,” dagdag ng Ombudsman.
Iginiit ni Remulla na mabigat ang mga kasong isasampa ng tanggapan niya laban sa mga pinagsusupetsahang sangkot sa katiwalian sa flood-control projects.
“Hindi lang siya non-bailable, pero mabigat na kaso ito, kasi hahanapan namin ng malversation [of funds] yan, non-bailable din.”
Read: Curlee Discaya claims politicians, 120M Filipinos want them dead
ZALDY CO AND OTHER CONGRESSMEN
Idinagdag ni Remulla na sasampahan din ng kaso ng Ombudsman si dating Ako Bicol Party-list Representative Zaldy Co at mahigit 20 kongresista.
Aniya: “Mahigit dalawampu yan kung sa simula pa lang, pero inilalatag namin lahat ng puwede.
"Yung mga DPWH officials, kasama. Yung mga incorporator ng Sunwest, mga incorporator ng mga kompanyang pumapel sa prohibited transactions, tatamaan yan.
“Ang mga Discaya, magkakaroon na rin ng kaso yan by that time. Hinog na rin yan, kasi nagpi-PI [prelimininary investigation] na kami sa mga Discaya.
“Ang mga under investigation — Martin Romualdez, Sonny Angara, Grace Poe.
“Si Mark Villar, kasama siya,.
"Kaya lang yung kay Mark Villar was a general statement about kickbacks at 5 percent of the totality of the budget of the DPWH in projects, kaya mas mahirap i-prove yon.
"Kukunin mo pa yung pattern, marami ka pang kukunin. Harder to prove, but we will investigate.”
Read: Discayas name congressmen who allegedly took cuts from DPWH deals