Nakadagdag sa kontrobersiya at mainit na usapin tungkol sa resulta ng 74th Miss Universe ang Instagram post ni Miss Universe 2005 Natalie Glebova.
Kabilang si Natalie sa mga miyembro ng Selection Committee ng Miss Universe 2025.
Base sa kanyang social media post, hindi siya masaya sa resulta dahil hindi nanalo ang kandidatang pinapaboran niyang magwagi — si Miss Universe Thailand Praveenar Singh.
Ang kinoronahang Miss Universe 2025 ay si Fatima Bosch ng Mexico.
Read: Pagkapanalo ni Miss Universe 2025 Fatima Bosch, nabahiran ng kontrobersiya
Binanggit din ni Natalie ang kawalan ng auditing firm na siyang nagdedetermina kung tama ang tabulation ng scores ng mga kandidata.
Gusto raw niya sanang maibalik ito.
At hangga't hindi ito naibabalik ay hindi raw muna siya magdya-judg sa Miss Universe.
Makahulugang social media post ni Natalie: “ As a judge this year I can only speak for myself when I cast my votes. Please remember that each person has their own opinion and not one single person can influence the result.
“However, this must be said… when I competed in 2005 and years prior, I recall there was always an auditor that came on stage with sealed results from accounting firm.
"I’d like to bring that back please. Until then I don’t think I will be participating as a judge again,” makahulugang social media post ni Natalie.
View this post on Instagram
Dahil sa rebelasyong ito ni Natalie, marami ang kumbinsidong may dayaan ngang nangyari sa pagpili ng nanalo sa Miss Universe 2025.
Read: Fatima Bosch of Mexico crowned Miss Universe 2025: PH bet Ahtisa Manalo is 3rd runner-up
NATALIE GLEBOVA AND THAILAND
Ginanap ang koronasyon sa Impact Challenger Hall, Nonthaburi, Thailand, nitong Biyernes ng umaga, Nobyembre 21, 2025.
May espesyal na puwang sa puso ni Glebova ang Thailand dahil dito siya nagwagi bilang 54th Miss Universe.
Natuto si Glebova na magsalita ng Thai language dahil matagal siyang nanirahan sa Thailand nang pakasalan niya ang popular tennis player na si Paradorn Srichaphan.
Naganap ang pag-iisang dibdib ng dalawa noong Nobyembre 29, 2007 na humantong sa paghihiwalay noong 2011.
Hindi biniyayaan ng anak ang kanilang pagsasama bilang mag-asawa.
Read: Miss Universe 1993 Dayanara Torres, puring-puri si Ahtisa Manalo