Pinarangalan si Ahtisa Manalo bilang third placer sa Beyond The Crown Awards sa Miss Universe 2025 coronation party. Hiwalay ito sa kanyang third runner-up finish sa prestihiyosong pageant.
Winner sa Beyond The Crown si Yanina Gómez, at second placer si Nathalie Mogbelzada ng Netherlands.
Ginanap ang post-pageant activity noong Biyernes ng gabi, Nobyembre 21, 2025, sa Grand Richmond Stylish Convention Hotel, Nonthaburi, Thailand.
Read: Mexico crowned Miss Universe 2025: Ahtisa Manalo is 3rd runner-up
May special award din para kay Jonas Gaffud, na creative and events director ng Miss Universe Philippines.
Si Gaffud ang tumanggap ng Best National Pageant Award para sa Miss Universe Philippines.
Si Miss Universe Organization CEO Mario Bucaro ang nagpakilala kay Ahtisa bilang third place winner ng Beyond the Crown Award, pero Anastasia ng Filipinas ang sinabi niya na pangalan ng Pinay beauty queen.
May mga kumakalat na balita na si Ahtisa ang nagwagi sa Best National Costume category ng 74th Miss Universe.
Pero walang kumpirmasyon ukol dito, at hindi pa rin inilalabas ng Miss Universe Organization ang resulta kung sino ang nanalong Best National Costume.
Noong 2023, si Miss Universe Philippines Michelle Dee ang Best National Costume winner sa 72nd Miss Universe dahil sa kanyang aviation-inspired outfit.
Read: Miss Jamaica Gabrielle Henry, isang linggong mananatili sa ICU
MISS UNIVERSE 2025 SPECIAL AWARDS
Balik sa Miss Universe 2025, ginawad ang special awards sa coronation party.
Miss Congeniality si Ceren Arslan ng Turkiye; Miss Photogenic si Mahyla Roth ng Costa Rica; Most Beautiful Skin awardee si Sanly Liu ng Indonesia; at People’s Choice awardee si Yanina Gomez ng Paraguay.
Si Miss Universe Thailand National Director Nawat Itsaragrisil ang binigyan ng pampalubag-loob na Best Host Country Award.
Ito ay sa kabila ng kontrobersya na nilikha ng kanyang panghihiya kay Miss Universe Mexico Fatima Bosch.
Pinaratangan ni Nawat si Miss Mexico na hindi sumasali sa Miss Universe activities kaya nagkaroon ng walk-out ng mga kandidata sa Sashing Ceremony noong Nobyembre 4.
Kinastigo si Nawat ni Miss Universe Organization Raul Rocha.
Sa huli, si Miss Mexico ang nagwaging Miss Universe 2025 kaya matitindi ngayon ang mga batikos laban sa kanila.
Read: Ellen Adarna shows convo with Derek Ramsay's ex-girlfriend
MORE QUEENS
Kahit third runner-up si Ahtisa sa 74th Miss Universe, hindi siya ang hinirang na Continental Queen ng Asia dahil ibinigay ito ng Miss Universe Organization kay Miss Universe China Zhao Na.
Ang 74th Miss Universe 4th runner-up na si Olivia Yace ng Cote d’Ivoire ang idineklara na Continental Queen ng Africa & Asia.
Si Julia Cluett ng Malta ang Continental Queen ng Europe at Middle East; samantalang si Miss Universe Venezuela Stephanie Abasali ang Continental Queen ng Americas. Second runner-up din ng pageant si Miss Venezuela.