Kontrobersyal ang resulta ng 74th Miss Universe na ginanap sa Nonthaburi, Thailand noong Nobyembre 21, 2025, dahil sa mga reklamo na hindi karapat-dapat manalo si Fatima Bosch ng Mexico.
Ang singer na si Louie Heredia ang nag-iisang Pilipinong miyembro ng Selection Committee ng 74th Miss Universe kaya ang kanyang opinyon tungkol sa mainit na usapin ang inalam ng Cabinet Files.
Mula nang ianunsyo noong Nobyembre 15 na kabilang si Louie sa mga hurado, nakatanggap siya ng mga batikos mula sa beauty pageant fans ng Latin community, dahil sa paratang na magkaibigan sila ni Miss Universe Philippines Ahtisa Manalo at ito ang tiyak na papaboran niya na magwagi.
Third runner-up si Manalo sa 74th Miss Universe at imbes na mahinto, nagpatuloy ang online bashing kay Louie mula naman sa ilang mga Pilipino na sinusumbatan siya dahil hindi ang Philippine representative ang nanalo.
“Iba na kasi ngayon, social media. They can say what they wanna say but before the contest, hindi ko binabasa. Ipinapadala sa akin ng iba-ibang tao. I just look at it.
“I am just one of the eight judges. I don’t know the scores of the other judges. I just know my score.
“I want them to see my position also as a judge. Number one, I signed a contract with Miss Universe Organization.
“Number two, I am not the only judge. I’m one of the eight; I don’t see their scores. I only see my scores.
“Number three, there’s no average score or tabulation. My point there is when they called the Top 30 or the Top 12, sabay-sabay lang tayo ng nakikita, 'Ay, pumasok pala.'
"Hindi yung alam na namin kung sino yung nasa Top 30 or Top 12,” reaksyon ni Louie na hindi nagpapaapekto sa natatanggap na online bashing dahil aniya'y malinis ang kanyang konsiyensiya.
Nang magtanong ang Cabinet Files tungkol sa mga haka-haka na may dayaan na nangyari sa pagpili ng mananalo sa pageant: "You know, as much as I want to say yes or no, I have no evidence.
"As I’ve said, I’m only one of the eight judges, but when Mexico was announced, medyo nagtinginan kami but we didn’t compare notes,” ang matapat at walang anumang pretensyon na sagot ni Louie.
Ang kagandahan ng kandidata ang pangunahin na basehan daw ni Louie sa pagbibigay ng mataas na boto.
“I really cannot talk for the others. My highest scores were really Ahtisa and Veena [Miss Universe Thailand Praveenar Singh].
“This is not an IQ contest. This is not a scholarship contest; it’s beauty.
"Sometimes when I’m judging the girls, even though how beautiful their gown is or how sexy they move, I’m still looking at their beauty kasi yung gown na yan at bathing suit na yan, kapag nanalo ka na, you’ll be wearing the best gowns and bathing suits in the world.
"It’s more of your beauty, your dating, and all that. My highest scores were Ahtisa and Veena.
“I really thought in my heart and in my mind that the last two standing would be Philippines and Thailand.
"For me, any of the two would have been a good Miss Universe.
“Another favorite of mine was Colombia [Vanessa Pulgarin], but I don’t know what happened, bakit na-out siya. Her scores were very high with me.
“I like China [Zhao Na] also. She has great attitude. She’s very sweet. Actually, most of the girls I became friends with them. Mabait sila, their personalities.
“A lot of mothers this year. There’s a 42-year-old candidate. She has four children.”
Nang ideklara si Fatima Bosch bilang 74th Miss Universe, lumitaw ang mga haka-haka na sinadya ang panghihiya sa kanya ni Miss Universe Thailand National Director Nawat Itsaragrisil sa Sashing Ceremony noong Nobyembre 4.
Nakakuha raw tuloy ito ng simpatiya dahil dito at sa pagwo-walkout nito sa ceremony.
“Oh, is it? I think it was real because Indra was there. It’s not a script,” opinyon ni Louie nang alamin ng Cabinet Files ang panig niya tungkol sa isyu.
Si Indra Suharjono ang representative ni Miss Universe Organization co-owner Anne Jakrajutatip at matalik na kaibigan ni Louie.
Hindi naniniwala si Louie na scripted ang insidenteng nasaksihan ni Indra dahil hindi matatawaran ang kredibilidad at integridad ng kanyang kaibigan na Thai.
Inalam din ng Cabinet Files mula kay Louie ang reaksyon nito tungkol sa nag-resign na Miss Universe judge, ang Lebanese-French musician na si Omar Harfouch na nagsabing may dayaang nangyari at diumano, fake winner si Bosch.
Read: Resigned Miss Universe 2025 judge: "Miss Mexico is a Fake winner"
“He’s very bad shot with Miss Universe Organization. Very bad shot. I don’t know if what he’s saying is real. Hindi ko rin alam the truth. I really don’t know. I am just doing my job to be one of the judges.
“Nakikita naman nila na professional ako. Ngayon, kung may mga hanky-panky na nangyayari sa likod, wala na akong magagawa, di ba?
"The truth will prevail, that’s my point,” sagot ni Louie na hindi nagkaroon ng pagkakataong makilala nang personal si Harfouch.
Dalawang araw na ang nakalilipas buhat nang matapos ang 74th Miss Universe pero hindi pa rin makapaniwala si Louie na naging bahagi ito ng itinuturing na most prestigious beauty pageant sa buong mundo.
“I am just shocked, actually. As I said, my plan was just to watch it on TV. Yun pala, God has other plans, so I just went with the flow.
“But looking back, wow, I’m the only Filipino judge that was a judge in all the categories of Miss Universe. All! Grabe, no?
“Korina Sanchez nga told me, ‘O, your dream came true.’
“Sabi ko, 'No. I never thought of that.'”