Sina Miss Universe 2005 Natalie Glevoba, Miss Universe 2020 Andrea Meza, at Miss Universe Thailand 1998 Chalida Thaochalee ang mga dating beauty queen na kasama ng Filipino singer na si Louie Heredia sa Selection Committee ng 74th Miss Universe.
Ginanap ang grand coronation ng Miss Universe 2025 sa Impact Challenger Hall, Nonthanburi, Thailand, noong Nobyembre 21, 2025.
Pinag-uusapan at kontrobersiyal ang resulta ng 74th Miss Universe dahil sa paratang na may nangyaring dayaan kaya si Fatima Bosch ng Mexico ang nagwagi.
Read: Resigned Miss Universe 2025 judge: "Miss Mexico is a Fake winner"
LOUIE HEREDIA ON ANDREA MEZA AND NATALIE GLEBOVA
Lalong nadagdagan ang mga pagdududa dahil nakunan ng kamera ang nonchalant reaction ni Andrea nang ideklara si Fatima bilang bagong Miss Universe.
Hindi nagpakita ng anumang emosyon si Andrea na kitang-kita sa video, kahit ang kababayan niya ang nanalo.
Tinanong ng Cabinet Files si Louie kung ano ang masasabi nito sa reaksiyon ng Miss Universe 2020 titleholder na hindi tumayo o pumalakpak para sa tagumpay ni Fatima.
“Yes, she has no reaction. Action speaks louder that words,” makahulugang sagot ni Louie.
Hindi ipinagkaila ni Louie sa amin na nagkatinginan sila ni Andrea nang ianunsiyo ng host na si Steve Byrne na si Fatima ang bagong Miss Universe.
“When Mexico was announced, medyo nagtinginan kami, but we didn’t really compare notes. Nagtinginan kami,” sabi ng singer.
Nakadagdag din sa kontrobersiya sa 74th Miss Universe ang social media post ni Natalie Glebova.
Nakasaad dito: “As a judge this year, I can only speak for myself when I cast my votes. Please remember that each person has their own opinion and not one single person can influence the result.
“However, this must be said… when I competed in 2005 and years prior, I recall there was always an auditor that came on stage with sealed results from accounting firm. I’d like to bring that back please.
“Until then I don’t think I will be participating as a judge again.”
Inamin din ni Natalie na ang ibinoto niyang maging Miss Universe 2025 ay si Miss Universe Thailand Praveenar Singh, na siyang naging first runner-up.
Bekyk hierdie plasing op Instagram
Pero hindi nakaligtas si Natalie sa mga batikos dahil siya ang nagsanay sa kanyang kababayan na si Miss Universe Canada Jaime Yvonne VandenBerg, na nakapasok sa Top 30.
May conflict ito bilang hurado ng Miss Universe 2025 si Natalie.
Ayon kay Louie, hindi nila napag-usapan ni Natalie ang social media post nito.
"We didn’t talk about it, but she’s the nicest person. I love her. All of them, even Andrea Meza and also Miss Thailand 1998 Chalida Thaochalee.”
Read: Natalie Glebova, pumalag sa resulta ng Miss Universe 2025
NO HONORARIUM FOR MISS UNIVERSE JUDGES
Para sa kaalaman ng lahat, libre at walang honorarium na natanggap ang mga hurado o miyembro ng Selection Committee ng 74th Miss Universe.
Saad ni Louie: “Walang honorarium ang mga judge. No judge has ever been paid, especially with Miss Universe.
“Because when you’re paying a judge, parang you're paying it to vote this. Parang in control sila.
"They want you to have a free hand in voting."
Sa kaso ni Louie, siya ang nagbayad ng kanyang plane fare papunta sa Thailand.
“Plane fare is free but since Bangkok is like my second home already, my plane fare, I didn’t charge them anymore because I was really going to Bangkok.
"I had the ticket already six months ago so I didn’t charge them na. Okay lang yon,” kuwento ni Louie tungkol sa mga pinahahalagahan niyang karanasan bilang hurado ng 74th Miss Universe.
Read: Sagot ni Louie Heredia kung may dayaan ba sa 74th Miss Universe