Nagkaroon ng kontrobersiya ang nakaraang music festival na sinalihan ng music icon na si Rico Blanco at ng sikat na bandang Cup of Joe dahil sa nakaiintrigang social media post ni Paolo Valenciano.
Si Paolo ang direktor ng JBL Sound Fest na ginanap sa Parklinks Open Grounds, Pasig City, noong Sabado, Disyembre 6, 2025.
Hindi lamang si Rico at ang Cup of Joe ang featured artists sa naturang musicfest.
Nagtanghal din sina Ashtine Olviga, December Avenue, Horizon, Flow G, Sean Archer, at Kat DJ.
Read: Paolo Valenciano to Rico Blanco: "We’re simply not meant to work together again."
PAOLO VALENCIANO'S INTRIGUING POST
Pero sa social media post ni Paolo, direkta niyang tinukoy si Rico na ayaw na niya muling makatrabaho.
Nakasaad sa post ni Paolo: “Tonight, I lost complete control of our event, which caused a major delay and added two extra hours of work to an already exhausted team.
“I sincerely apologize to our client JBL and to my brothers from Cup of Joe (who had to be picked up by motorcycles in traffic jams just to make their new call time).
“This was my first year with JBL Sound Fest so I found this incredibly frustrating. We learn new things every day and I know I still have a lot to improve! To everyone who was there, super sorry.
“And to Rico, my hero, while I sincerely wish you the best, I’ve learned that we’re simply not meant to work together again.”
Hindi nagbigay ng detalye si Paolo tungkol sa dahilan ng pagkadismaya niya kay Rico.
Maging ang ina ni Paolo na si Angeli Pangilinan-Valenciano ay nagtataka sa isyu sa pagitan ng kanyang anak at ng "dear friend" nilang si Rico.
Kailangan daw niyang kausapin ang dalawa.
Mensahe ni Angeli sa Facebook: "I am so clueless. What’s happening between my son and our dear friend Rico Blanco.
"Sigh. I need to talk to both. Hay Naku!
"P.S. Pao was the Rivermaya lead vocalist / session lead for nine months many years ago … would you believe? He was the number one fan of Rivermaya when he was in high school."
Read: Derek Ramsay, emotional sa kanyang 49th birthday celebration
RICO BLANCO REPORTEDLY NOT AWARE OF PROGRAM CHANGE
Isang source na malapit kay Rico ang nakausap ng Cabinet Files kaugnay ng isyung ito.
Ayon dito, nag-ugat ang isyu sa diumano’y hindi pagpayag ni Rico na hindi ito ang finale performer.
Ipinaliwanag ng source na last minute o sa mismong gabi ng concert na umano nang ipaalam kay Rico na ang Cup of Joe at hindi na siya ang huling magtatanghal.
Pero sa poster ng JBL Sound Fest, ang pangalan ni Rico ang nasa sentro at pinakamalaki ang billing kaya inasahan ng marami na siya talaga ang finale performer.
Ayon sa source, hindi sana nagkaroon ng isyu kung ilang araw bago ang pagtatanghal, sinabi agad sa staff ni Rico ang pagbabago sa lineup ng performers dahil hindi umano isyu sa singer kung sino ang mauuna o mahuhuli.
Sabi pa ng source, naranasan at alam ni Rico ang pakiramdam ng mga baguhan kaya buong-buo ang suporta nito sa mga bagong sumisibol na artists.
Ikinagulat daw ng kampo ni Rico ang social media post ni Paolo dahil matagal na sa industriya ang singer, pero ngayon lamang umano ito nagkaroon ng isyu sa direktor.
Ipinagtataka rin ng source na mas pinili ni Paolo na maglabas ng saloobin sa social media kesa kausapin nang personal si Rico na tinawag pa niyang “My hero.”
Tiniyak naman ng source na walang problema sa pagitan ni Rico at ng Cup of Joe, na maganda ang samahan sa isa’t isa at parehong mga contract artist ng Viva Records.
Read: Male news personality na sangkot sa sexual harassment, nag-resign sa trabaho