Nanganganib mawala kay Fatima Bosch ng Mexico ang Miss Universe 2025 crown kung magpapatuloy ang inaasal nito kapag hindi niya nagugustuhan ang mga sitwasyong kanyang kinasasangkutan.
Nag-walkout si Fatima sa guesting niya sa Pica Y Se Extiende, ang programa sa Telemundo ng mga host na sina Lourdes Stephen at Carlos Adyan, noong Linggo, Disyembre 7, 2025.
Ayon sa production staff, hindi tinapos ni Fatima ang programa.
Kinansela na rin ang pagbisita sa ibang shows ng Telemundo para sa pagdiriwang sana ng kanyang tagumpay sa 74th Miss Universe.
Pero sinabi niya umanong walang dapat ipagdiwang.
Read: Fatima Bosch breaks silence after controversial win as MU 2025
FATIMA BOSCH OFFENDED BY THE HOSTS' QUESTIONS
Inilahad naman ng mga kasama ni Fatima na nainis ito dahil sa mga tanong sa kanya nina Stephen at Adyan tungkol sa demandang isinampa laban sa kanya ni Miss Universe Thailand National Director Nawat Itsaragrisil at sa isyu ng mga frozen account ni Miss Universe Organization President Raul Rocha.
Sa sobrang pagkairita umano ni Fatima, isinauli nito ang mga damit na gagamitin sa mga TV guesting at pinili niyang sumakay sa Uber kesa gamitin ang sasakyang inihanda ng Telemundo para sa kanyang transportasyon.
Read: Nawat Itsaragrisil files criminal complaint against Fatima Bosch
Pahayag ni Adyan tungkol sa inasal ni Fatima sa kanilang programa: "I think this leaves the public with evidence of what really happens because if you are bothered by those kinds of questions, it is for a reason.
"She had all the power to answer whatever she wanted within the interview and these questions were going to be asked either by us or by the journalist who came next because they are the things that are being talked about.“
Ipinaliwanag ni Adyan na hindi tsismis ang mga katanungan nila para kay Fatima dahil base ito sa mga pahayag ng Miss Universe Organization at sa mga lumabas na dokumento tungkol sa mga kasong kinasasangkutan ni Rocha at ng Mexican beauty queen.
"It's a shame because here at Telemundo, I've been covering Miss Universe for six years and I've supported all the queens. Fatima was not going to be the exception.
"Here we receive her, we interview her, we do everything; but there is a reality happening with the pageant at this time — a lack of transparency, which is precisely what was questioned within this," giit ni Adyan.
Read: Bank accounts ni MUO President Raul Rocha, pina-freeze ng Mexico
NOT HER FIRST WALKOUT
Hindi ito ang unang beses na nag-walkout si Fatima.
Hindi pa siya kinokoronahan sa unang walkout na ginawa nito sa Sashing Ceremony ng Miss Universe 2025 sa Bangkok, Thailand, noong Nobyembre 4, 2025.
Nagalit si Fatima nang kumprontahin siya ni Nawat dahil sa diumano’y hindi niya pakikiisa sa promotional activities para sa 74th Miss Universe.
Kasama ng ibang mga kandidata at si Miss Universe 2024 Victoria Kjær Theilvig, nag-walkout si Fatima.
Naayos lamang ang problema nang mamagitan si Rocha at nang humingi ng paumanhin si Nawat.
Pero labindalawang araw matapos koronahan si Fatima bilang Miss Universe 2025, nakumpirma ang balitang sinampahan siya ni Nawat ng criminal case dahil sa diumano’y paulit-ulit na nakasisirang-puring pahayag ng beauty queen laban sa prominent Thai businessman at Miss Grand International Organization founder.
Read: Is Miss Mexico still joining after tension in Miss Universe?