Mahigpit ang panawagan ng maraming Pilipino sa korte na huwag pagkalooban ng special treatment ang mga nasasakdal sa diumano’y PHP96.5-B flood control ghost project sa Davao Occidental.
Ito ay sa gitna ng kahilingan ng contractor na si Sarah Discaya at ng walong kapwa niya akusado na ibalik sila sa kustodiya ng National Bureau of Investigation (NBI).
Nag-ugat ang galit ng marami sa ating mga kababayan sa agarang mosyon na inihain ng mga abogado ng mga akusado para manatili ang mga ito sa kustodiya ng NBI — si Discaya sa NBI detention facility sa Pasay City, at ang kanyang mga kasama sa NBI detention facility sa Davao.
Nakabilanggo si Discaya at ang mga kapwa nito akusado sa kasong graft at malversation of public funds sa Lapu-Lapu City Jail, Mactan, Cebu, mula pa noong Sabado, Disyembre 20, 2025.
Hiniling ni Discaya na ibalik siya sa NBI detention facility sa Pasay City.
Kung sakaling maaprubahan ito, gusto niyang dumalo sa mga pagdinig sa kanyang kaso sa pamamagitan ng video conferencing.
Lalo itong ikinagalit ng maraming Pilipino dahil tila siya pa ang nagbibigay ng mga kundisyon.
Binigyan ng korte ng sampung araw ang tanggapan ng Ombudsman para sagutin ang mosyon ni Discaya at ng mga kasama nitong sangkot sa flood control scam.
Read: Vico Sotto calls out Sarah Discaya's "victim ploy" amid arrest
LACSON RECOMMENDS NOT TO GRANT HOLIDAY FURLOUGH FOR THE ACCUSED
Samantala, inirekomenda ni Senate President Pro Tempore Panfilo Lacson Sr. kay Senate President Tito Sotto na huwag pagkalooban ng holiday furlough o pansamantalang bakasyon mula sa pagkakakulong sa Senate detention facility ang mga akusado sa flood control project anomalies — ang contractor na si Pacifico "Curlee" Discaya II at ang former DPWH engineers na sina Brice Hernandez, Jaypee Mendoza, at Henry Alcantara.
Nakaditine ang apat sa Senate detention facility mula pa noong Setyembre 18, 2025 dahil sa cited in contempt sila sa pagdinig ng Senate Blue Ribbon Committee sa mga anomalya sa flood control scam.
Hiniling ng apat na makauwi sa kanilang mga tahanan sa Pasko para makapiling ang mga pamilya nila, pero tinutulan ito ni Lacson.
Ibinahagi ni Lacson ang kanyang mga dahilan sa mga social media page niya.
Saad niya: “Walang pansamantalang bakasyon mula sa Senate detention-
"Dahil sa security concerns, hindi papayagan ang holiday furlough para sa kontratistang si Pacifico 'Curlee' Discaya II at sa mga dating inhinyero ng Department of Public Works and Highways (DPWH) na nakakulong sa Senado kaugnay ng iskandalo sa maanomalyang flood control projects.
“I recommended to the Senate President that their request for Christmas furlough be denied mainly for security reasons, owing to the repeated media statements from Ombudsman Jesus Crispin Remulla and President Ferdinand Marcos, Jr. that arrest warrants against them will be issued before Christmas.
“So the risk of escape becomes greater—not to mention that it makes no sense to grant such requests for Christmas leave if indeed warrants are coming out by then.”
Imbes na bigyan ng holiday furlough, sinabi ni Lacson na puwedeng dalawin ang mga akusado ng kanilang mga pamilya sa detention facility ng Senado sa nalalapit na Pasko.
Read: Sarah Discaya, nangangamba para sa apat na anak na may ADHD