Binura ng mga irresponsibleng content creator ang kanilang social media posts tungkol sa diumano’y pagkamatay ng dating beauty queen at aktres na si Maria Sovietskaya Bacud.
Si Sovietskaya ang first runner-up sa Binibining Pilipinas 1996; 1st runner-up sa Miss Intercontinental 1995 na ginanap sa Dresden, Germany; at "She’s Got The Look" winner ng Eat Bulaga! noong dekada ’90.
Ka-batch ni Sovietskaya sa Binibining Pilipinas 1996 sina Aileen Damiles (Bb. Pilipinas-Universe), Daisy Reyes (Bb. Pilipinas-World), Yedda Marie Kittilsvedt (Bb. Pilipinas-International), and Sonia Santiago (second runner-up).
Read: Heated Rivalry star Hudson Williams, walang dugong Pinoy
Nasubukan din ni Sovietskaya ang pag-arte dahil nagbida siya noong 1997 sa mga pelikulang Mga Nakaw Na Sandali at Kahit Hindi Turuan Ang Puso, na produksiyon ng MAQ Productions, ang sister company ng Regal Films.
Ginamit noon ni Sovietsakaya ang screen name na Maria Sovietskaya.
MARIA SOVIETSKAYA IS VERY MUCH ALIVE
Buhay na buhay si Maria Sovietskaya Bacud at kasalukuyang naninirahan sa Australia.
Napilitan ang mga content creator na naglabas ng fake news noong Disyembre 27, 2025, na burahin ang mga social media post nila dahil nagbanta ang isang kamag-anak ng dating beauty queen at aktres na maaari silang sampahan ng kaso dahil sa pagkakalat ng kasinungalingan at walang basehang balita.
Nakipag-ugnayan ang Cabinet Files sa miyembro ng pamilya ni Sovietskaya.
Mariin nilang pinabulaanan ang fake news na pinaniwalaan ng ibang mga Pilipino.
Ito ang opisyal na pahayag na inilabas ng pamilya ni Sovietskaya bilang pagtutuwid sa fake news:
“Sovietskaya moved to Australia several years ago and lives in Sydney with her daughter Chloe. She now works in high-end real estate.
“Prior to that she had done TV commercials and was a former flight attendant with Qantas. Today, she enjoys a quiet life on the Northern Beaches making the most of life and travel.
“Sovietskaya sends her love and wishes everyone back home a happy, safe, and prosperous New Year!”
Read: Angelica Panganiban after Best Actress loss: "Naghanda ako ng speech, hindi ko nasabi."