Hindi man nagbanggit ng pangalan si Miss Universe Organization President Raul Rocha, malakas ang hinalang si dating Ilocos Sur Governor Luis “Chavit” Singson at ang anak nitong si Ako Ilocano Ako Party-list Representative Richelle Singson ang tinutukoy ng Mexican sa kanyang maanghang na Instagram story post ngayong Sabado, Enero 3, 2026.
Tinawag ni Rocha na "delusional" ang mag-ama sa kanyang social media post.
Nakasaad dito: “I’m fed up with that delusional fool and his daughter making statements, dreaming of something he wouldn’t be able to achieve in a hundred years. Keep dreaming my lawyers will put an end to your fairy tales.”
Nasa background ng mensahe ni Rocha ang screenshot ng statement na inilabas ng Miss Universe Organization (MUO) kaugnay ng isyu ng ownership at leadership ng international beauty pageant.
Read: MUO, iginiit na "false and misleading" ang kumakalat na isyu
CHAVIT SINGSON'S CONTROVERSIAL SOCIAL MEDIA POST
Ang social media post ni Chavit noong Biyernes, Enero 2, ang pinagdududahang ugat ng pagkaubos ng pasensya ni Rocha at dahilan para maglabas ang MUO ng opisyal na pahayag.
Nakasaad sa kontrobersiyal na social media post ni Singson na hindi na umano si Rocha at ang nagtatagong Thai transgender billionaire na si Anne Jakrajutatip ang mga may-ari ng Miss Universe Organization.
Saad niya: “Had a good chat with my daughter Congresswoman Richelle Singson and Shawn McClain, former Miss Universe Vice President. He updated us with possible acquisition talks on Miss Universe Organization.
“For everyone’s information: MUO is not owned anymore by Anne Jakrajutatip or Raul Rocha Cantú. In fact, they both have arrest warrants against them!
"Thank you Shawn for visiting us! We look forward to having discussions with the rightful owners, the creditors they defrauded.”
Ito ang ikinagalit ni Rocha.
Kapwa tinutugis ng batas at nagtatago sina Rocha at Anne dahil may mga kaso sila sa kani-kanilang bansa.
Drug trafficking at arms smuggling ang ilan sa mga mabibigat na kaso ni Rocha sa Mexico.
Read: Chavit Singson, naghayag na hindi na sina Anne at Raul ang MUO owners
Inaabangan ng lahat ang sagot at aksyon na gagawin ni Singson dahil sa pagtawag sa kanya ni Rocha na "delusional fool" at sa banta na ang mga abogado niya ang tatapos sa mga "fairy tale" ng Filipino businessman at politician na desididong bilhin ang Miss Universe Organization.
Maaaring hindi masyadong kilala ni Rocha si Singson kaya hindi niya alam ang kakayahan at hindi siya uurungan nito.
Si Singson ay isang makapangyarihang pulitiko na isa sa mga pangunahing dahilan ng pagbaba ni Joseph Estrada mula sa puwesto nito bilang Pangulo ng Pilipinas noong Enero 2001.
Read: Misis ni Marcelito Pomoy, may hugot matapos mag-perform ng singer sa harap ni Trump