Magaganap ang special screening ng restored copy ng Bagets, The Movie sa Newport Cinema 2 ng Newport World Resorts sa Enero 13, 2026.
Ang Bagets ay ang 1984 iconic film ng Viva Films na pinagbidahan nina Aga Muhlach, Herbert Bautista, Raymond Lauchengco, JC Bonnin, at William Martinez.
Magkakaroon ng cocktails ng 5 P.M. bago ang 6:30 P.M. screening ng 42-year-old coming-of-age comedy film na isang certified blockbuster nang ipalabas sa mga sinehan noong Pebrero 1984.
Read: Ex-PGT contestant Mark Joven Olvido, nakalaya na
Isang malaking sorpresa ang naghihintay sa mga dadalo sa special screening at sa mga tagahanga ng lead stars ng Bagets, The Movie.
Tiyak na ikaliligaya nila ito.
May kinalaman ang pagpapalabas sa restored version ng Bagets sa nalalapit na pagtatanghal ng Bagets, The Musical sa Newport Performing Arts Theater.
Ang Bagets, The Musical ay pinangungunahan nina Andres Muhlach, Ethan David, KD Estrada, Milo Cruz, Jeff Moses, Tomas Rodriguez, Migo Valid, Mico Chua, Sam Shoaf, at Noel Comia Jr.
Mag-uumpisa ang pagtatanghal ng Bagets, The Musical sa Enero 23, 2026 kaya imbitado ang cast nito at ang lahat ng mga artista ng Bagets, The Movie sa special screening na mangyayari sa Enero 13.
Read: Misis ni Marcelito Pomoy, may hugot matapos mag-perform ng singer sa harap ni Trump
BAGETS SOUNDTRACK
Nagkaroon ng sequel, TV remake, at musical adaptation ang Bagets dahil sa tagumpay nito noong 1984.
Hindi lamang ang mga artista ng Bagets ang sumikat noon dahil naging popular din sa publiko ang soundtracks ng pelikula.
Kabilang dito ang "Growing Up" na inawit ni Gary Valenciano; "So It’s You" na hit song ni Raymond at komposisyon ni Odette Quesada; at ang "Farewell" ni Raymond na isa nang classic song at madalas na pinatutugtog tuwing graduation day.
Ginamit ding soundtrack sa Bagets" ang "Baby I Lied" ni Debbie Allen, "Why Me" ni Irene Cara, "Jump" ng The Pointer Sisters, "You and I" ni Kenny Rogers, at "Just Got Lucky" ng JoBoxers.
Maraming beses nang napanood ni Andres ang Bagets, The Movie.
Dahil sa paulit-ulit na panonood sa proyektong pinagbidahan ng kanyang ama, napansin niyang parang isang musical movie ang pelikula dahil sa dami ng mga kantang ginamit at sumikat.
Read: Showbiz personality, nagbilin sakaling may masamang mangyari sa kanya