Biglang nagkaroon ng isyu ang mapayapang relasyon ni John Lloyd Cruz sa artist na si Isabel Santos.
Ngayong Miyerkules, Enero 14, 2026, napansin ng kanilang followers na hindi na nila sinusubaybayan ang Instagram accounts ng isa’t isa.
May problema o nagwakas na ang pagmamahalan ang kalimitang duda kapag hindi na social media followers ng isa’t isa ang magkakarelasyon.
Read: John Lloyd Cruz shows sweet photos with girlfriend Isabel Santos
Kaugnay nito, nais malaman ng mga nababahala at matatalas ang mga matang tagasubaybay nina John Lloyd at Isabel ang katotohanan.
Kahit hindi na siya nakasubaybay sa Instagram account ng aktor, makikita pa rin sa Instagram page ni Isabel ang larawan na kasama niya si John Lloyd.
Kuha ang larawan sa Milan, Italy, noong Oktubre 27, 2025.
Ipinost ito ni Isabel halos talong linggo na ang nakalilipas.
View this post on Instagram
JOHN LLOYD CRUZ-ISABEL SANTOS RELATIONSHIP
Nag-umpisa ang relasyon ng dalawa noong 2021.
Sa guesting ni John Lloyd sa Fast Talk With Boy Abunda noong Oktubre 2023, inamin ng aktor ang tunay na estado relasyon nila ni Isabel.
“Si Isabel ay girlfriend ko. Boyfriend niya ako,” sabi ng aktor.
Ikinuwento ni John Lloyd na matagal na silang magkakilala ng apo ng cartoonist at fine arts painter na si Mauro “Malang” Santos .
Aniya, mga “boring people” sila ni Isabel.
Lahad nh aktor: “We’re boring people. Wala kaming maikukuwento. Ganyan lang kami.
“Matagal na kaming magkakilala. Gallery nila yung una kong pinasok na gallery.
“At the time na bago pa lang akong tumigil with ABS-CBN, napadpad ako sa pag-e-explore ng arts. So, gallery nila yung una kong napasok.
“Sila yung mga una kong nakilala. Yung family nila, kung sino yung patrons ng gallery nila. Matagal na kaming magkakilala.
“We were talking before but hindi nag-evolve into something ideal for us, at the time. Mula noon, present na rin siya sa buhay ko.”