“Magical experience” para kay Sky Formaliza, 8, na nakita niya nang personal si Joanna “J.K.” K. Rowling, 60, ang popular British author ng Harry Potter book series, sa airport ng Puerto Princesa, Palawan.
May pitong volume series ang fantasy novel na isinulat ni Rowling na marami nang beses at paulit-ulit na binasa ni Sky.
Kaya dream come true para sa batang Pinay na makaharap ang sikat na manunulat nang pumunta ito sa Palawan kamakailan.
“I am thankful for the opportunity,” pahayag ni Sky sa Cabinet Files tungkol sa hindi sinasadyang pagkikita nila ni Rowling sa airport.
“Sobrang kind niya. It was a magical experience and I will remember it in my life.”
Read: OSCARS 2026: Sinners breaks record with 16 nominations
THE CHANCE ENCOUNTER IN PALAWAN
Nakunan ng larawan ang pagtatagpo ni Sky at ng kanyang hinahangaang nobelista.
May mga nagbahagi rin sa social media ng screenshot ng Harry Potter book ni Sky na may autograph ni Rowling, na mga patunay ng pambihira at hindi niya malilimutang karanasan.
Nalaman lamang ng publiko ang pagbisita ni Rowling sa Pilipinas dahil sa mga social media post tungkol sa pagkikita nila ni Sky.
Pero walang anumang lumabas na detalye sa eksaktong lugar sa Palawan na pinuntahan ng sikat na Harry Potter novel author.
Dahil sa popularidad ng Harry Potter books ni Rowling, walong beses itong isinalin sa pelikula mula noong 2001 hanggang 2011—ang Harry Potter and the Philosopher’s Stone (2001), Harry Potter and the Chamber of Secrets (2002), Harry Potter and the Prisoner of Azkaban (2004), Harry Potter and the Goblet of Fire (2005), Harry Potter and the Order of the Phoenix (2007), Harry Potter and the Half-Blood Prince (2009), Harry Potter and the Deathly Hallows-Part 1 ( 2010), at Harry Potter and the Deathly Hallows-Part 2 ( 2011).
Read: Brooklyn Beckham speaks up on rift with parents David, Victoria