Spotted sina Enrique Gil at Andrea Brillantes sa Ninoy Aquino International Airport (NAIA) Terminal 3 ngayong Linggo ng gabi, Enero 25, 2026.
Lilipad sila sa Prague, Czech Republic, para sa taping ng bagong romance drama series ng TV5 na pagbibidahan nila, ang A Secret In Prague.
Dalawang linggong mananatili sina Enrique at Andrea sa Prague dahil dito kukunan ang karamihan sa kanilang mga eksena.
Read: Lea Salonga confirms separation from husband Robert Chien
Kasama ni Enrique sa biyahe sa Prague ang kanyang manager na si Ranvel Rufino.
Si Ranvel ang nagsabi sa Cabinet Files na unang pagtatambal ng kanyang alaga at ni Andrea ang A Secret In Prague.
“It’s Quen’s triumphant television return after seven years.
“Prague is the perfect city to fall in love in.This same city also holds secrets that will test the most ardent love,” ilan sa mga impormasyon na ibinahagi ni Ranvel tungkol sa comeback TV series ni Enrique.
Huling napanood si Enrique sa Make It With You, ang romantic comedy series ng ABS-CBN.
OFF TO PRAGUE
Si Barry Gonzales ang direktor, at sina Kim Domingo at Cedric Juan ang ilang co-stars sa A Secret In Prague.
Pinakulayan ni Andrea ang kanyang buhok para sa karakter na gagampanan niya.
Hindi lamang artista si Enrique sa A Secret In Prague dahil co-producer siya at si Ranvel ng MediaQuest sa nabanggit na proyekto.
Hindi lamang sila ang lilipad sa Prague ngayong gabi dahil kasama rin nila sa biyahe ang mahigit sa 20 miyembro ng production staff ng A Secret In Prague.
Read: Mel Tiangco speaks up about her alleged insult of Alex Eala