Nakatakda ngayong Martes, Enero 27, 2026, ang paglilipat sa aktor at dating senador na si Ramon "Bong" Revilla, Jr. sa general population ng New Quezon City Jail Male Dormitory sa Payatas, Quezon City.
Ito ay matapos niyang makumpleto ang mandatory seven-day medical quarantine mula nang dalhin siya sa Quezon City Jail noong Enero 20.
Sa panayam ng DZMM kay Bureau of Jail Management and Penology (BJMP) Superintendent at spokesperson Jayrex Joseph Bustinera, sinabi nitong ang mga Person Deprived of Liberty (PDL) na nasasakdal sa mga kasong may kinalaman sa ilegal na droga ang makakasama ni Revilla sa general population jail.
Read: Sandiganbayan, ipinag-utos na ikulong si Bong Revilla sa QC Jail
Pahayag ni Businera: “Ang BJMP po, we are catering to those undergoing trial.
"Yung nasasakdal, majority or those PDL-sentenced na less than three years, yun ho ang makakasama niya.
“Ang profile po niyan, 70 percent drug cases and other crimes against properties and persons.
“May mga charge po for heinous crimes pero naka-classify po natin sila.
"Nasasakdal pa ho, e, presumed innocent pa naman lahat yan sila.
“May mga assessment ho tayo. Bawat isa, tsine-check naman ho ang risk level niya.
"At kung risk siya sa population o may protection risk sa iba, kasi he will harm o harm to self or harm to others, inihihiwalay ho yon, at may proper security treatment naman.
"By level ho yung risk, nakadisenyo na ang facility na ganoon,” paliwanag ni Bustinera tungkol sa general population jail na paglalagyan kay Revilla.
Read: Bong Revilla supporters, nagtipon-tipon sa Sandiganbayan
BRYAN REVILLA INTERVIEW ABOUT HIS FATHER
Ngayong Martes ng hapon, dumalaw kay Revilla ang kanyang anak na si Agimat Party-list Representative Bryan Revilla.
Sa panayam sa kanya ni Mariz Umali ng GMA News, kinuha ang reaksiyon ni Bryan tungkol sa paglilipat sa kanyang ama sa general population jail.
“I can’t really talk kasi utos ng mga lawyers. But now, we’re staying strong as a family.
"And ngayon, bibisitahin namin para makita namin ang kalagayan ni Papa. That’s all I can say,” magalang na tugon ni Bryan.
Read: Bong Revilla faces malversation, graft raps over flood control