Ibinasura ng Makati City Prosecutor's Office ang reklamong paglabag sa Article 310 ng Revised Penal Code o qualified theft na inihain ng beauty queen-actress na si Michelle Dee, 30, laban sa driver ng aktres at kaibigan niyang si Rhian Ramos, 35.
Isinumite ni Michelle ang kanyang reklamo laban kay Bonifacio Tibayan Baro, 40, sa Makati City Prosecutor's Office.
Pero makalipas lamang ng tatlong araw ay ibinasura ito ng prosekusyon.
Read: Bong Revilla, isasama na sa ibang inmates ng Quezon City Jail
Nag-ugat ang reklamo ni Michelle laban kay Baro matapos umanong matuklasan ng Miss Universe Philippines 2023 ang ginawa ng driver sa condominium unit na tinitirhan nila ni Rhian sa Makati City.
Nakasaad sa reklamo ni Michelle na nakipag-ugnayan daw sa kanya ang misis ni Baro, at nagsumbong na nakita niya sa pag-iingat ng kanyang mister ang ilang "sensitive images" na may kaugnayan sa actress-beauty queen.
Kinumpronta umano ni Michelle si Baro.
Umamin daw ang driver na kinuha nito ang mga sensitibong imahe mula sa kuwarto ng beauty queen-actress.
Ibinalik din daw ng akusado ang mga kopya ng "sensitive images."
Pero napansin umano ni Michelle na kulang ang ibinigay sa kanyang mga larawan kaya humingi siya ng tulong sa kanyang bodyguard.
Humantong ito sa pag-aresto kay Baro at sa pagkakakulong niya sa Makati City Jail.
Nakalabas lamang siya nang ma-dismiss ang reklamo ni Michelle laban sa kanya.
Matapos ibasura ng City Prosecutor's Office ng Makati ang reklamo ni Michelle, nagsumite naman si Baro ng mga reklamong torture at serious illegal detention sa National Bureau of Investigation (NBI) laban kina Michelle at Rhian.
Ito ay dahil sa pambubugbog at pagkukulong umano sa kanya sa condo unit ni Rhian na nasa ika-39 na palapag noong January 17.
Read: Rhian Ramos at Michelle Dee, sinampahan ng torture, serious illegal detention
MICHELLE AND RHIAN'S LEGAL COUNSEL STATEMENT
Hiningi ng Cabinet Files ang pahayag ng legal counsel nina Rhian at Michelle na si Atty. Maggie Abraham-Garduque tungkol sa insidente at sa mga reklamong inihain ni Baro sa NBI laban sa dalawang aktres.
Hindi pa raw natatanggap ng kanyang mga kliyente ang kopya ng reklamo na inihain ni Baro sa NBI.
Sasagutin daw ito nina Michelle at Rhian kapag nakatanggap na sila ng kopya.
Saad ni Garduque: “Our clients have not yet received a copy of the complaint allegedly filed against them before the NBI.
"They will answer as soon as they received the copy of said complaint."
Itinanggi ng abogada na may illegal detention na naganap dahil sa condo unit daw na iyon nakatira si Baro bilang driver ng aktres.
Ang huling pakikipag-ugnayan daw ng kanyang mga kliyente kay Baro ay nang magsampa ng qualified theft si Michelle, na inamin daw ng driver dahil isinauli pa raw nito ang ibang items sa actress-beauty queen.
Hindi raw maalis sa isip ng kanyang mga kliyente na ang paghahain ng reklamo ni Baro ay ganti sa pagsasampa ni Michelle sa kanya ng qualified theft.
Pahayag ni Garduque: “As far as our client is concerned, there is no incident of illegal detention happened as Mr. Baro was a resident of the condo, being the driver of Rhian.
“The last incident of our clients with Mr. Baro was when Michelle Dee filed a criminal case for qualified theft against him which he admitted and he even returned some of the items to Michelle.
“Thus, our clients cannot think of any reason for initiating this complaint but a leverage and vindictive suit to said qualified theft case.”
Read: Ex ni Aiko Melendez na si Rep. Jay Khonghun, nali-link kay Vice-Mayor Chi Atienza