“Hanggang sa dulo, tutulungan namin siya.”
Ito ang pahayag ni Volunteers Against Crime and Corruption (VACC) President Arsenio "Boy" Evangelista sa eksklusibong panayam ng Cabinet Files ngayong Huwebes, Enero 29, 2026, tungkol sa suportang ibibigay nila kay Bonifacio Baro.
Si Baro ang driver at personal assistant ni Rhian Ramos na naghain ng mga reklamong torture at illegal detention laban sa aktres at sa mga kaibigan nito at beauty queens na sina Michelle Dee at Samantha Panlilio.
Inihain ni Baro ang kanyang mga reklamo sa tanggapan ng National Bureau of Investigation (NBI) noong Miyerkules, Enero 28, 2026.
Read: UPDATED: Rhian Ramos at Michelle Dee, sinampahan ng torture, serious illegal detention
Personal na sinamahan ni Evangelista si Baro nang magsadya ang driver sa NBI para isumbong ang mga pananakit umanong ginawa sa kanya nina Rhian, Michelle, at Samantha.
Ayon kay Baro, nangyari ang insidente sa isang high-end condominium building sa Makati City noong Enero 17, 2026.
SENSITIVE IMAGES INSIDE ANGPAO
Nag-ugat ang kontrobersiyang ito sa paratang ni Michelle na ninakaw ni Baro ang “sensitive images” na nakalagay sa angpao (red envelope).
Ibinalik daw ito ng driver sa kanya pero, diumano, kulang ng isang piraso.
Ang asawa ni Baro na si Celeste Baro raw ang nakakita sa angpao na kinuha ng driver.
Ang buong akala ng misis ni Baro, pera ang laman ng angpao. Pero malalaswang larawan daw ang kanyang “naaninag,” at sinabi niya ito kay Michelle.
Dahil dito ay nagsampa si Michelle ng reklamong qualified theft laban kay Baro, ngunit makalipas lamang ang tatlong araw ay ibinasura ito ng Makati City Prosecutor's Office.
Tatlong araw na na-detain sa Makati Police si Baro.
Read: Michelle Dee, sinampahan ng qualified theft ang driver ni Rhian Ramos
VACC ON HELPING RHIAN RAMOS' DRIVER
Matagal nang tumutulong at marami na raw natulungan si Boy Evangelista at ang VACC na mga biktima ng pang-aabuso at heinous crime dahil sa pakikipagtulungan sa kanila ng iba’t ibang mga ahensiya.
Saad niya: “Assisting the victims to our different partners like Department of Justice, National Prosecutors Office; and different law enforcement agencies such as Philippine National Police, National Bureau of Investigation and National Police Commission; VACC court watchers and legal assistance through our volunteer lawyers and media partners.”
Kasunod nito ay inilahad ni Evangelista ang paglapit ni Baro sa kanya.
“Hanggang dulo, tutulungan namin siya. Alam mo, ininterbyu ko siya, cross, redirect cross. Two hours kami dito sa bahay ko.
“Inilapit ko siya sa NBI, kay Director Lito Magno saka kay Atty. Mallari, magagaling ang mga yon.
“Ininterbyu nila ang biktima and they find reasonable certainty of conviction na sasampa. Kasi nga, na-dismiss yung kaso laban sa kanya sa Makati Police.”
Ano ang mga ebidensya na ipinakita sa kanila ni Baro?
Sagot ni Evangelista: “Materials like photos, videos, police clearance, handwritten salaysay, photos of the two non-uniformed bodyguards, court resolution from Makati Prosecutor's Office that says that his qualified theft case was dismissed.
“Videos that he is really an employee of Rhian and photos of his body injuries.”
Read: FAMAS officials reveal Ian Veneracion, The Kingdom declined recognition
BARO ALLEGEDLY ASSAULTED BY TWO MEMBERS OF MAKATI POLICE
Kinumpirma rin ni Evangelista ang testimonya ni Baro na sinaktan umano ito ng dalawang miyembro ng Makati Police.
Lahad ng VACC president: “Sabi sa kanya, 'Sige na aminin mo na para hindi ka na kasuhan. Hindi na ituloy.'
“He personally requested NBI because during his three-day detention sa Makati Police, he was tortured physically and mentally by two PNP officers.
“That is the reason why his trust and confidence in PNP is negative.
“Masama yung pakiramdam ng biktima. Paubo-ubo kasi siya.
"Nang tinadyakan siya nung tinorture siya, yung ribs niya parang nadiin sa bandang lungs kaya masakit kapag umuubo siya."
Unang nakarating sa PEP at Cabinet Files ang impormasyong naghain si Dee ng kasong qualified theft laban kay Baro sa Makati Police noong Enero 21, 2026. Pero hindi lumabas ang balita.
May teorya si Evangelista tungkol sa posibleng nangyari.
Aniya: “Natakpan yung kaso, e, siyempre naman, paanong hindi matatakpan?
"Rhian Ramos, Michelle Dee, nakatira sa [condo building], tapos Samantha Panlilio, beauty queen, kumandidato…”
Tila ipinapahiwatig ni Evangelista na kilala at maimpluwensiya ang mga taong binabangga ni Baro kaya posibleng nakaapekto ito sa kasong isinampa nito.
Read: Tommy Tiangco addresses alleged falling-out with Tim Laude, "f*** boy" issue
MICHELLE AND RHIAN'S LEGAL COUNSEL'S STATEMENT
Nauna nang nagbigay ng pahayag sa media ang legal counsel nina Michelle at Rhian na si Atty. Maggie Abraham-Garduque kahapon, Enero 28.
Ayon kay Garduque, noong araw na iyon ay hindi pa natatanggap ng kanyang mga kliyente ang kopya ng reklamong inihain ni Baro sa NBI.
Sasagutin daw ito nina Michelle at Rhian kapag nakatanggap na sila ng kopya.
Itinanggi ng abogada na may illegal detention na naganap dahil sa mismong condo unit na pinangyarihan umano ng insidente nakatira si Baro bilang driver ng aktres.
Ang huling pakikipag-ugnayan daw ng kanyang mga kliyente kay Baro ay nang magsampa ng qualified theft si Michelle, na inamin daw ng driver dahil isinauli pa raw nito ang sensitive images sa actress-beauty queen.
Wala raw maisip na dahilan ang kanyang mga kliyente para magsampa ng reklamo si Baro kundi ganti ito sa pagsasampa sa kanya ni Michelle ng qualified theft.
Pahayag ni Garduque: “As far as our client is concerned, there is no incident of illegal detention happened as Mr. Baro was a resident of the condo, being the driver of Rhian.
“The last incident of our clients with Mr. Baro was when Michelle Dee filed a criminal case for qualified theft against him which he admitted and he even returned some of the items to Michelle.
“Thus, our clients cannot think of any reason for initiating this complaint but a leverage and vindictive suit to said qualified theft case.”
Samantala, wala pang pahayag si Samantha Panlilio o ang kampo niya tungkol sa pagkakadawit ng Bb. Pilipinas Grand International 2021 sa isyung ito.
Read: Matet, nagsalita tungkol sa "absence" ni Ian sa kasal ni Kenneth