Nabanggit ang pangalan ng ex-boyfriend ni Rhian Ramos na si Sam Verzosa nang makausap ng Cabinet Files ang presidente ng Volunteers Against Crime and Corruption (VACC) na si Arsenio “Boy” Evangelista ngayong Huwebes, Enero 29, 2026.
Si Evangelista ang tumutulong kay Bonifacio Baro, ang driver at personal assistant ni Rhian, na nag-akusa ng diumano'y pananakit sa kanya ng aktres, pati na ng mga kaibigan nitong sina Michelle Dee at Samantha Panlilio.
Diumano, nagalit si Rhian kay Baro dahil sa paratang na nagbibigay ito ng impormasyon kay Sam mula nang makipaghiwalay ang aktres sa TV host-businessman bago matapos ang 2025.
Read: UPDATED: Rhian Ramos at Michelle Dee, sinampahan ng torture, serious illegal detention
Lahad ni Evangelista patungkol kay Baro: “Nakakausap daw siya ni Sam Verzosa. Mabait daw yung Sam.
"Umiiyak, sabi niya [kay Baro], ‘Sana alagaan mo ang ate mo. Mapagsabihan mo.’
“Hiniwalayan kasi siya [Sam] kaya iyak nang iyak. Umiiyak daw si Sam. Mabait daw.
"Tinanong ko, 'Si Sam ba, hindi kasama [sa pambubugbog]?' Hindi raw.”
Sinabi rin ni Evangelista sa Cabinet Files na, diumano, isang "vlogger na parang nagkasakit" ang napapabalitang kapalit ni Sam sa puso ni Rhian.
Nadadamay sa usapin ang Filipino-American vlogger na si Wil Dasovich dahil tumutugma sa pagkatao niya ang pagsasalarawan ni Evangelista tungkol sa diumano’y bagong karelasyon ni Rhian.
Read: Vlogger Wil Dasovich now cancer-free
MICHELLE DEE IN ILOILO ON JANUARY 17
Nang magsadya si Bonifacio Baro sa tanggapan ng National Bureau of Investigation (NBI), inilahad niya ang ginawa raw ni Rhian habang sinasaktan siya umano ni Michelle.
“Si Ma’am Rhian naman, nandoon siya. Sinapak, sinampal niya ako, tapos binatukan niya ako ng ilang beses. Kaya yun nga ang ano ko, bakit pati siya binabatukan ako?” sabi ni Baro.
May mga nagdududa sa testimonya at kredibilidad ni Baro.
Mapapatunayan umano nilang nagtanghal si Michelle sa gabi ng koronasyon ng Miss Iloilo 2026 sa Iloilo City noong Enero 17, ang petsa kung kailan umano nangyari ang pagkulong at pananakit kay Baro sa loob ng condo unit na pag-aari ni Rhian.
Read: Michelle Dee, sinampahan ng qualified theft ang driver ni Rhian Ramos
Kaya imposible raw ang kuwento ng driver na sinaktan siya ng beauty queen.
Sa panayam kay Baro, sinabi nito: “Nung paalis na si Ma’am Michelle sa ibang lugar, mga 6 ng umaga nung January 17, itinuluy-tuloy pa rin akong binugbog ng mga bodyguard niya.
"Mga kasama ko sa trabaho yan sila, hindi po sila naawa sa akin."
Naniniwala ang mga nakikisimpatiya kay Baro na ang Iloilo ang "ibang lugar" na tinutukoy niyang pupuntahan ni Michelle noong umaga ng Enero 17, matapos ang diumano’y pananakit sa kanya.
Gabi nang dumalo ang beauty queen sa gabi ng koronasyon ng Miss Iloilo 2026.
Samantala, sa inilabas na pahayag ng legal counsel nina Michelle at Rhian na si Atty. Maggie Abraham-Garduque sa media kahapon, Enero 28, sinabi nitong hindi pa natatanggap ng kanyang mga kliyente ang kopya ng inihaing reklamo ni Baro sa NBI.
Mananatiling bukas ang PEP.ph (Philippine Entertainment Portal) sa panig ng lahat ng nabanggit sa artikulong ito.
Read: VACC, suportado ang driver na inireklamo sina Rhian, Michelle, Samantha