Ang mga reklamong torture at illegal detention na inihain ng driver at personal assistant na si Bonifacio Baro laban kina Michelle Dee, Rhian Ramos, Samantha Panlilio, at dalawang bodyguards ang nagpaalaala sa ilang netizens tungkol sa kinasangkutang kaso ni Vhong Navarro noong 2014.
Coincidentally, buwan din ng Enero noong 2014 (Enero 22, 2014) nang mangyari ang pambubugbog kay Vhong ng grupo ng negosyanteng si Cedric Lee at model na si Deniece Cornejo, sa condominium unit na tinitirhan ni Deniece sa BGC, Taguig City.
Ito ay dahil sa paratang na tinangka umano ni Vhong na abusuhin si Deniece.
Nangyari naman noong Enero 17, 2026 sa Makati City condominium unit nina Michelle at Rhian ang diumano’y pananakit at ilegal na pagkulong nila kay Baro.
Ito ay bunsod ng angpao na naglalaman ng sensitive images na nawawala at pinaghihinalaang ninakaw ni Baro.
Read: Rhian at Michelle, inireklamo ng torture at illegal detention
Mabigat ang parusa sa serious illegal detention.
Nakasaad sa Republic Act 1084, Article 267 ng Revised Penal Code: “Any private individual who shall kidnap or detain another, or in any other manner deprive him of his liberty, shall suffer the penalty of reclusion perpetua to death:
"If the kidnapping or detention shall have lasted more than three days. If it shall have been committed simulating public authority.
"If any serious physical injuries shall have been inflicted upon the person kidnapped or detained, or if threats to kill him shall have been made.”
CEDRIC LEE, DENIECE CORNEJO, OTHER ACCUSED FOUND GUILTY
Napatunayang nagkasala sina Cedric, Deniece, at ang ibang mga akusado ng serious illegal detention kay Vhong.
Noong Mayo 2, 2024, makalipas ang sampung taong paglilitis, pinatawan sila ng habambuhay na pagkakakulong ni Presiding Judge Mariam Bien Ng Branch 153 ng Taguig City Regional Trial Court.
Nakapiit si Cedric sa New Bilibid Prisons sa Muntinlupa City, habang nakabilanggo si Deniece sa Correctional Institute for Women sa Mandaluyong City.
Pero bago binasahan ng hatol si Lee, nagtago muna ito sa Oras, Eastern Samar, nang lumabas ang warrant of arrest para sa kanya. Pero natukoy ng mga awtoridad ang kinaroroonan niya at inaresto siya noong Abril 26, 2014.
Read: Cedric Lee, Deniece Cornejo guilty in serious illegal detention case
MICHELLE'S BODYGUARDS WENT TO BARO'S HOUSE IN NORTHERN SAMAR
Nababanggit din ang Samar sa kasong kinasasangkutan nina Michelle, Rhian, at Samantha.
Inilabas ni Volunteer Against Crime and Corruption (VACC) President Arsenio “Boy” Evangelista ang mga larawan ng bodyguard ni Michelle na diumano’y nagpunta sa bahay ni Baro sa Northern Samar para hanapin ang mga nawawalang sensitive images na nakalagay sa angpao.
Si Baro ay tumutulong kay Baro sa reklamong inihain nito sa National Bureau of Investigation (NBI) laban sa tatlong female celebrities.
Sa panayam ni John Consulta ng 24 Oras kay Baro, inilahad nito ang pagkabahala dahil sa pagpunta ng bodyguards ni Michelle sa bahay niya sa Northern Samar.
“Kinabahan lang ako nang malaman ko na dalawang babae saka isang lalake, yung pagdating dun, hinalughog yung bahay ko tapos kinuha yung cellphone ng asawa ko. Tapos yung mga anak ko, piniktyuran isa-isa,” ang kuwento ni Baro.
Sa ulat din ng 24 Oras, hindi itinanggi ng legal counsel ni Michelle na si Atty. Maggie Garduque-Abraham na pumunta ang mga kinatawan ng actress-beauty queen sa tahanan ni Baro sa Northern Samar.
Saad ng abogado ni Michelle: “It’s the wife of the driver of Rhian na tumawag talaga kay Michelle at nagsabi pa nga na ang mga items na hinahanap niya [Michelle] ay nasa asawa niya [Baro].
“Pumunta yung mga staff ni Michelle to get those items to the wife kasi nga ibibigay nung wife kasi nasa kanya daw.
"So, kumbaga, parang nagsumbong talaga yung wife sa kanya [Michelle] na, 'Nandito po yung hinahanap mo.'
“Nagulat nga daw siya bakit may mga ganoon sa asawa niya.
"She [Michelle] confronted the driver of Rhian about it.
"Siyempre constrained na rin yung driver na sabihin na, ‘Ako po talaga ang kumuha at akala ko po kasi ay may lamang pera yung angpao na yon.’”
Related Stories:
- Michelle Dee, sinampahan ng qualified theft ang driver ni Rhian
- VACC, suportado ang driver na inireklamo sina Rhian, Michelle, Samantha
- Sam Verzosa, Wil Dasovich dawit sa isyu ng driver ni Rhian Ramos
- Michelle Dee camp says she was in Iloilo during alleged torture
- Samantha Panlilio, wala pa ring pahayag sa kinasasangkutang isyu
- Melanie, hindi pa nakakausap si Michelle tungkol sa isyu nito
- Samantha Panlilio camp refutes allegations of Rhian's driver
- Melanie Marquez: "Blackmail" ang motibo ng driver ni Rhian Ramos
- Vietnamese content creator, nadadawit sa isyu ni Michelle Dee