Makaraan ang dalawampu’t tatlong taon, muling ginamit ni Melanie Marquez ang linyang pinasikat nito noong 2003 nang ipagtanggol niya ang kanyang kapatid na si Joey Marquez laban sa mga batikos.
Ito ay ang “Please don’t judge my brother, he’s not a book!”
Unang binigkas ng aktres at Miss International 1979 ang nabanggit na salita sa guesting niya sa Debate With Mare at Pare, ang public affairs debate show nina Oscar Orbos at Winnie Monsod na napanood sa GMA-7 mula Nobyembre 1998 hanggang Nobyembre 2006.
Ang kontrobersiyal na relasyon noon ni Joey kay Kris Aquino ang paksa.
Read: Melanie Marquez: "Blackmail" ang motibo ng driver ni Rhian Ramos
Dahil sa mga batikos laban sa kanyang kapatid, umapela si Melanie: “Please don’t judge my brother, he’s not a book!”
Aminado ang actress-beauty queen na nanggaling ang binitiwang salita mula sa idiom na “Don’t judge a book by its cover.”
Pero “Please don’t judge my brother, he’s not a book” ang kanyang nasambit dahil ito ang agad na pumasok sa isip niya.
MELANIE ON ALEGATIONS AGAINST DAUGHTER MICHELLE
Nahaharap sa reklamo na torture at illegal detention ang anak ni Melanie na si Michelle Dee.
Ito ay bunsod ng paratang na binugbog at ikinulong ni Michelle si Bonifacio Baro sa Makati City condominium unit na tinitirhan nila ni Rhian Ramos.
Si Baro ang driver at personal assistant ni Rhian na inaakusahan ng pagnanakaw ng angpao na naglalaman ng maseselang larawan mula sa kuwarto ni Michelle.
Tumanggap si Michelle ng mga batikos at panghuhusga mula sa mga naniniwala sa testimonya ni Baro.
Bilang isang ina, ipinagtanggol ni Melanie ang kanyang anak, kasunod ang pakiusap at paalala sa publiko: “Remember. Please…don’t judge my daughter. She is not a book.”
Read: Mga ina nina Rhian Ramos at Michelle Dee, umalma sa mga alegasyon
MICHELLE REFILES QUALIFIED THEFT COMPLAINT VS RHIAN'S DRIVER
Samantala, muling inihain ni Michelle sa Makati Prosecutor’s Office ang reklamong qualified theft laban kay Baro.
Unang isinampa ni Michelle ang naturang kaso noong Enero 19, pero ibinasura ito ng Makati City Prosecutor’s Office.
Ang legal counsel ni Michelle na si Maggie Abraham-Garduque ang nagbigay sa media ng impormasyon na kailanganG i-refile ang reklamo laban kay Baro para masunod ang wasto na proseso.
Paliwanag ni Garduque sa panayam ng 24 Oras ng GMA-7 noong Martes, Pebrero 3: “Naging issue lang po doon sa resolution ng City prosecutor noong January 19 inquest investigation is whether or not subject for inquest yung kaso.
“Kaya sinabi nila, dalhin sa regular preliminary investigation at doon natin iimbestigahan, at saka nila aaksyunan ang merits ng kaso, whether or not there is a reasonable certainty of conviction to indict [Baro] for qualified theft na pinayl ni Ms. Michelle Dee.”
Read: Michelle Dee, sinampahan ng qualified theft ang driver ni Rhian