Trending ngayon sa social media ang Sangguniang Kabataan (SK) chairman ng Brgy. Bubukal, Sta. Cruz, Laguna, na si Mark Adrian Napiza dahil sa nag-viral video na kuha sa isang convenience store,
Sa video, makikita si Napiza na hinahawakan ang mga siopao at hotdog na ipinagbibili sa convenience store na pinuntahan nila ng kasama niyang kumukuha ng video.
“Malamig lahat,” sabi ni Napiza habang hinahawakan ang mga pagkain, kahit maaari naman siyang gumamit ng tongs na nakasabit sa lalagyan ng mga siopao at hotdog.
Nangyari ang isidente sa sangay ng convenience store sa Barangay Gatid, Sta.Cruz, Laguna, noong Lunes ng gabi, Pebrero 16, 2026.
Read: StarStruck alum Alvin Aragon draws backlash over anti-gay remark
NETIZENS ANGERED BY SK CHAIRMAN'S ACTION
Dahil dito, binatikos ng mga nakapanood ng video si Napiza dahil sa kanyang ipinamalas na unsanitary practice.
Pagkamuhi ng naramdaman ng karamihan ng netizens dahil sa kawalan niya ng malasakit sa mga bibili ng pagkain na posibleng nalagyan ng mikrobyo mula sa kanyang mga kamay.
Caption ng isang nag-repost ng viral video sa X (dating Twitter): "Seriously?! What kind of Neanderthal behavior is this? Touching all the siopao with bare hands?!! While your equally idiotic friends laughed.
"The level of unhygienic behavior and blatant disregard for others is just mind-boggling and your sheer ignorance is breathtakingly offensive. Do you not understand how germs work? Do you not care about anyone else? You are a menace. Seriously, rethink your life choices. Do better, people!"
Komento pa ng isang netizen: "Nakakadiri, public worker pa naman sya tapos ganyan ang ugali. Tsk tsk. Kasuhan dapat ang isang ito. What if di malinis yung kamay nya, edi contaminated na yung food na nahawakan nya"
Pagpuna ng isa: "Grabe. Te, tongs are provided and placed there for a reason, they are meant to be used, not ignored.
"Be mindful of other people who will buy and consume that food na sinalaula mo, especially workers coming off exhausting shifts who rely on places like 7/11 for a quick, SAFE MEAL. Handling food with bare hands is unsanitary and inconsiderate.
"They say you're a public servant, the more you are expected to uphold higher standards of responsibility and public hygiene. Tch."
Pangamba naman ng isang netizen (published as is): "never ko naisip na possible nga pala na may maghawak hawak sa mga self service foods dyan sa 7/11. Masyado ko nagtiwala sa ibang bumibili don, may mga salaula pala katulad nitong chairman bwst Ayawq na tuloy bumili ket saang branch sayang fave ko pa naman"
Galit na komento ng isa pa: "Baboy hinawakan lahat, dapat pinabayaran sa kanya lahat. Kung saan saan na hinawak ang kamay tapos hahawakan mo yong pagkain na ganyan. kakalungkot na may ganyang pag uugali ang ibang pilipino."
Hinikayat din ng netizens ang pamunuan ng convenience store na sampahan ng reklamo si Napiza para hindi ito tularan at para matuto siya ng leksiyon.
Panghihimok ng isang netizen: "As someone na sobrang hilig sa siopao at laging bumibili sa convenient store na yan, nakaka-dismaya na tuloy bumili. Sana mag-take kayo ng legal action against these uncivilized individuals @711philippines. Some people does not deserve nice things talaga."
Read: StarStruck alum Alvin Aragon draws backlash over anti-gay remark
STA. CRUZ, LAGUNA MAYOR CALLS FOR INVESTIGATION
Kahit holiday ngayong Martes, Pebrero 17, 2026, dahil sa pagdiriwang ng Chinese New Year, kumilos si Sta. Cruz, Laguna Mayor Benjo Agarao para magkaroon ng imbestigasyon sa viral video na kinasasangkutan ni Napiza.
Ipinarating niya sa concerned citizens ang kanyang desisyon sa pamamagitan ng isang Facebook post ngayong Martes.
Saad ni Agarao: “Inatasan na po natin ang MILG (Municipal Interior and Local Government) at SK Federation sa pangunguna ni SK Fed Mark Anthony Molina na imbestigahan at patawan ng kaparusahan ang SK chairman na sangkot sa viral video.
"Nakakalungkot na isang SK Fed member na dapat nagsisilbing magandang halimbawa sa ating mga kabataan."
Kalakaip ng mensahe ni Agarao ang screenshot ng viral video ni Napiza.
Bago pa ipinag-utos ni Agarao na imbestigahan si Napiza, nakipag-ugnayan na ang Cabinet Files sa kontrobersiyal na SK chair para sa kanyang panig.
Hindi pa kami nakakatanggap ng sagot mula sa kanya.
Mananatiling bukas ang PEP.ph (Philippine Entertainment Portal) sa panig ng mga nabanggit sa artikulong ito.
Read: Dating talent management ni Ji Soo, pinagbabayad ng 800 million won