"This is the first time I’ve done that," ang sabi ni David Ezra nang pagbigyan nito ang hiling ng mga miyembro ng entertainment press na awitin niya ang isang linya ng "Ako ang Nagwagi, Ako ang Nasawi."
Ito ang iconic song na pinasikat ng kanyang ina na si Dulce noong 1979.
Nagkaroon ng pagkakataon ang entertainment press na makausap nang personal at pakantahin si David nang ipakilala ito bilang bagong contract star ng Viva Artists Agency, ang talent management arm ng Viva Entertainment.
Labing-anim na taon nang theater actor si David.
Nasubukan niya ang pag-arte sa pelikula nang gampanan niya ang katauhan ni Orly sa Isang Himala, na opisyal na kalahok sa 50th Metro Manila Film Festival noong Disyembre 2024.
Related stories:
- David Ezra, payag na manood si Dulce ng Jeproks The Musical
- David Ezra, iniwasan ang pagkanta dahil sa kanyang inang si Dulce
- Dulce, inaming may gap sila ng anak na si David Ezra
DAVID EZRA ON CONVO WITH BOSS VIC DEL ROSARIO
Itinuturing ni David na magandang karanasan ang partisipasyon niya sa Isang Himala, at natuwa siya nang husto sa mga plano ni Viva Entertainment Chairman Boss Vic del Rosario para sa kanyang acting career.
"I met with Boss Vic. Hindi ko ine-expect because I don’t know how this works. Parang meron ba siyang time to meet with me? Does he know me? Is he aware who I am?
"Hindi ko ine-expect lahat. Nung nag-meeting kami, like, two hours. And he was very interested sa background ko, and he knows about my credentials.
"So natuwa po ako sa meeting na ‘yon kasi sabi niya, 'Yung credentials mo, very impressive. Ang tagal mo na sa music industry, sa theater industry, pero sa ngayon, parang mas nakikita kita more being as an actor.
"Sabi ko, ‘Sige po.’ Sabi niya, gusto niya ako i-push more for TV and film. Sabi ko, gusto ko po ‘yon kasi it’s going to be a new avenue for me," kuwento ni David sa pag-uusap nila ni Boss Vic na may planong gawin siyang dramatic actor.
Pagpapatuloy ni David, “Ang tagal ko nang 15 years sa stage so gusto ko naman, me as an artist also, to try kung paano ba sa harap ng mga camera.
"Excited ako for that, game na game ako. It’s going to be beneficial for me as an actor and artist kasi matutulungan niya ako sa pag-hone ng craft ko.
"Nabanggit ni Boss Vic sina Carlo Aquino and JC Santos. Parang kailangan nila ng someone like me, dramatic actor na nasa age range ni Carlo and JC."
Sina Carlo at JC ay parehong may mga pinagbidahang pelikula sa Viva.
Dagdag ni David: "Sabi ko, 'Wow, kung mabibigyan ako ng ganoong opportunity, thank you very much.'
"Si Carlo, I only met him once. Nung MMFF parade. Sabi ko sa kanya, ever since bata ako, pinapanood ko siya, so to be compared to someone like that, siyempre, nakakataba ng puso.”