Sumakabilang-buhay ang American hitmaker na si Neil Sedaka kahapon, Pebrero 27, 2026.
Siya ay 86 years old. Megseselebra sana siya ng kanyang 87th birthday sa darating na March 13.
Sa Facebook page ni Neil naglabas ng opisyal na pahayag ng kanyang pamilya.
Ang nakasaad sa caption: “Our family is devastated by the sudden passing of our beloved husband, father and grandfather, Neil Sedaka.
"A true rock and roll legend, an inspiration to millions, but most importantly, at least to those of us who were lucky enough to know him, an incredible human being who will be deeply missed.”
Hindi sinabi ang sanhi ng kamatayan ng sikat na singer, pero isinugod daw siya sa isang ospital sa Los Angeles, California, noon ding Biyernes.
Naulila ni Neil ang asawang si Leba Strassberg at mga anak na sina Dara at Marc.
NEIL SEDAKA'S HITS
Nag-umpisa ang entertainment career ng namayapang mang-aawit noong 1957, at nanatili siyang aktibo sa pagkanta hanggang sa kamatayan niya.
Ang "The Diary," "Breaking Up Is Hard To Do," "Calendar Girl," "Run Samson Run," "Laughter In The Rain," at "My World Keeps Getting Smaller Everyday" ang ilan sa mga kantang pinasikat ni Neil noong dekada ’50, ’60 at ’70.
Ang isa sa greatest hits niyang "Oh Carol" ay dedicated sa high-school sweetheart na si Carol Joan Klein, na mas nakilala bilang si Carole King, na gumawa rin ng song na "Oh Neil." Taong 1959 na-release ang dalawang kanta.
Kilala rin si Neil sa napakarami niyang komposisyon kabilang ang 1958 hit song ni Connie Francis na "Stupid Cupid."
Dahil sa kanyang mga kontribusyon sa musika, binigyan siya ng sariling bituin sa Hollywood Walk of Fame, at noong 1983, kinilala ang husay niya sa pamamagitan ng induction sa kanya sa Songwriters Hall of Fame.
Noong Abril 2006, ipinagkaloob ng Guinness World Records sa American singer and songwriter ang parangal para sa komposisyon niyang "(Is This the Way to) Amarillo?," na itinuturing na "best-selling single of the 21st century in the United Kingdom."
Noong 1971 ito unang pinasikat ni Toni Christie, at namayagpag ulit noong naglabas ng sariling version si Neil taong 2005. Nag-number 1 ito sa Belgium, Austria, Germany, Spain, Ireland, at U.K.
Maraming beses na nagkaroon si Sedaka ng nominasyon sa Grammy Awards, pero ni minsan, hindi siya nagwagi sa kabila ng kanyang mga matagumpay na kanta at komposisyon.
Sa pinakahuling Facebook entry ni Sedaka noong Pebrero 25, 2026, ibinalita niya sa mga tagahanga ang bagong proyekto.
Aniya sa caption: "'Good Times, Good Music, and Good Friends” - that’s always been my philosophy! This track is featured on Steppin’ Out, available April 10th. I can’t wait to share it with you again."
Sa kasamaang-palad, binawian siya ng buhay two days later.