Binabatikos, inaakusahang nagpapakontrobersyal, at inoobliga ng publiko si Quezon City Fourth District Representative Jesus "Bong" Suntay na humingi ng public apology sa aktres na si Anne Curtis.
Ito ay dahil sa mga salitang binitiwan ng kongresista nang talakayin ng House Committee on Justice nitong Martes, Marso 8, 2026, ang pangatlong impeachment complaint laban kay Vice-President Sara Duterte.
Sinabi ni Suntay na wala umanong sedition o political destabilization nang sabihin ni Duterte na ito ay isang "designated survivor."
Read: Park Bom claims being a decoy for Sandara Park's alleged drug abuse
Bahagi ng pahayag ni Suntay: “You know, yung statement being the designated survivor, it’s not illegal. It’s not criminal.
"In fact, it’s a process in the United States, mere utterance na 'I’m designating myself.' In fact, hindi nga puwede yon, e.
"Can you designate yourself without a process? Sinabi niya lang yon, siguro nagpapatawa lang siya [Duterte]."
Ginamit pang halimbawa ng politiko ang insidente kung saan nakita umano niya si Anne sa isang hotel.
Saad ni Suntay: “Lastly, alam mo minsan, nasa Shangri-La ako, nakita ko si Anne Curtis. Ang ganda-ganda pala niya.
"You know, may desire sa loob ko na nag-init talaga. Na-imagine ko na lang kung ano ang puwedeng mangyari.
"Pero siyempre, hanggang imagination na lang yon.
“Pero hindi naman siguro ako puwedeng kasuhan dahil kung ano yung na-imagine ko, e.”
Read: Gee Canlas, kinumpirmang hiwalay na sila ni Archie Alemania
SUNTAY'S REMARKS ABOUT ANNE STRICKEN FROM HOUSE RECORDS
Ang pahayag ni Suntay tungkol kay Anne ang nag-udyok kay San Juan Representative Ysabel Maria Zamora na maghain ng mosyon na burahin sa record ang sinabi ng Quezon City Fourth District representative.
Ani Zamora: “With all due respect to my friend Congressman Bong Suntay, it is just the start of the Women’s Month, and I don’t think that we should be hearing such comments from our dear colleagues.
“We’re not censuring anything but we are reminding them that in fact, we should support women by not saying these statements and things like this do not empower women,” paalaala ni Zamora kay Suntay at sa ibang mga dumalo sa naturang pagtitipon.
Read: Lexi Gonzales stands by ex-boyfriend Gil Cuerva amid alleged video scandal
SUNTAY: ANNE SHOULD TAKE IT AS A COMPLIMENT
Inulan ng mga batikos si Suntay mula sa netizens na nainsulto at nabastusan sa inilahad niya tungkol kay Anne.
Sa panayam sa kanya ng beteranong journalist na si Ed Lingao sa programang Storycon, nanindigan si Suntay na "nothing sexual" sa kanyang sinabi tungko sa It's Showtime co-host.
Saad niya: “There’s nothing sexual dun sa sinabi ko. Nothing immoral.
"I said may na-imagine ako. I think there’s nothing wrong. There’s nothing even sexual sa statement na yon."
Naghatid naman ng kalituhan sa mga tao ang sumunod na pahayag ni Suntay na hindi umano totoong pangyayari ang sitwasyon kung saan nakita niya umano si Anne.
Aniya: "No, it was not even a real situation... it was an imaginary situation. Kaya nga sinabi ko imagination and desire, e....
“Sabi ko, 'Parang nung nakita ko si Anne Curtis sa Shangri-La.' It’s not a real event...
"It doesn’t mean it’s a reveal event. I was wringing up the scenario."
Sa opinyon na kailangan niyang humingi ng paumanhin kay Anne, imbes na mag-apologize, sinabi ni Suntay: “Sabi ko, 'Ang ganda-ganda niya.' And I think she should take it as a compliment that I feel and I believe that she’s very beautiful.”
Read: TRENDING: "The Big Four" sa reality show at sa alleged video scandal